Горæты уынгты ног кæнынц фæндаггон нысæнттæ. Уыдон сты иугуыр æмæ фæндаг дихгæнæн хæххытæ. Æрвылбон куыстытæ цæуынц куыд Дзæуджыхъæуы сæйраг уынгты, афтæ фæрсуынг фæндæгтыл дæр. Уæ зæрдыл уын æрлæууын кæндзыстæм, фистæгцæуджытæн фæндаджы сæрты ахизæнтæ æвзæр уавæры кæй сты, уымæ цæст æрдардта Сергей Меняйло. Республикæйы сæргълæууæг бабар кодта нысæнттæ сног кæнæн куыстытæ фæрæвдз кæнын. Уымæ гæсгæ ныр бригадтæ кусынц æрвылбон. Уымæй уæлдай ма горæты администрацийы сæргълæууæг Милдзыхты Вячеславы уынаффæмæ гæсгæ, балхæдтой ноджыдæр техникæ дæр. Сæрмагонд хæдтулгæ æрбахæццæ уыдзысты хæстæгдæор рæстæг.