Пушкины картæ-йы руаджы фæсивæд зонгæ кæнынц культурон цаутимæ
Культурæмæ комкоммæ фæндаг фæсивæдæн байгом Пушкины картæимæ. Ныр сæ бон бахауын у музейтæ, театртæ, равдыстытæ æмæ филармонимæ. Программæ арæзт æрцыд 2021-æм азы, æмæ дзы пайда кӕнынц, 14-æй 22 азы онг кæуыл цæуы, ахæм æрыгон адæм. Уыцы рæстæгмæ æрмæст Цæгат Ирыстоны рауагътой 37 мин картæйы. Мах бафæндыд базонын, рæзгæ фæлтæр картæйы руаджы сæ æнцой бонтæ куыд æрвитынц, уый. Ацы фембæлд куыд рауайдзæн, ууыл хистæркъласон Плиты Батраз бирæ хæттыты хъуыды кодта. Йæ уарзон актер Сергей Безруковимӕ равдыстытæм кæсын йæ бон у сахатгай. Сæ фембæлдмæ бæллыд рагæй. Лæппуйыл бæрæг у, уыцы æнкъарæнтæ тагъд кæй нæ ферох кæндзæн. Æнæмæнг сæ йæ зæрдыл бадардзæн. Фæсивæды нæ бæстæйы æмæ фæсарæнты хъæздыг историон æмæ литературон бындуртимæ чи зонгæ кæны, ахæм проект. Æххæст æй кæнынц æппæт Уæрæсейы дæр. Аивады дунеимæ хæстæгдæр зонгæ кæнгæйæ, фæсивæд сæхицæн байгом кæнынц цымыдисаг ногдзинæдтæ. Иумæ ахуыр кæнынц диалогтыл кусын, музыкæ æнкъарын, зæрдыл дарын ахсджиаг цаутæ. Сфæлдыстадон программæ цæттæ кæнынц рæзгæ фæлтæрæн. Уæлдай æргом здæхт цæуы этнокультурон æмæ патриотон хæзнатæм. Цæттæгæнæн мадзæлтты рæстæг сæ хъус дарынц алы лыстæгдзинадмæ дæр. Ам кусджытыл ис егъау бæрн. Ахсджиаг у канд экскурси саразын нæ, фæлæ фæсивæды сцымыдис кæнын. Цæмæй дарддæр сæхæдæг тырной аивад æмæ сфæлдыстадмæ. Зындгонд композиторты сфæлдыстадæн аргъ скæнын, фенын ноджы фылдæр ирд æмæ цымыдисаг равдыстытæ æгас бæстæйы дæр. Ахæм гæнæн ис. Æрмæст Цæгат Ирыстоны рауагътой 37 мин картæйы. Афæдзæй-афæдзмæ сæ нымæц фылдæр кæны. Картæйæ спайда кæнын йæ бон у æрмæст йæ хицауæн. Науæд æй, гæнæн ис, æмæ сæхгæной афæдзмæ. Алы картæйы дæр ис 5 мин сомы. Проекты руаджы мингай фæсивæд федтой алыхуызон спектаклтæ, равдыстытæ æмæ концерттæ. Ахæм хуызы сæм рæзы сфæлдыстадмæ уарзондзинад. Ахады суинаг дæсныйад равзарыныл дæр.
Культурæмæ комкоммæ фæндаг фæсивæдæн байгом Пушкины картæимæ. Ныр сæ бон бахауын у музейтæ, театртæ, равдыстытæ æмæ филармонимæ. Программæ арæзт æрцыд 2021-æм азы, æмæ дзы пайда кӕнынц, 14-æй 22 азы онг кæуыл цæуы, ахæм æрыгон адæм. Уыцы рæстæгмæ æрмæст Цæгат Ирыстоны рауагътой 37 мин картæйы. Мах бафæндыд базонын, рæзгæ фæлтæр картæйы руаджы сæ æнцой бонтæ куыд æрвитынц, уый. Ацы фембæлд куыд рауайдзæн, ууыл хистæркъласон Плиты Батраз бирæ хæттыты хъуыды кодта. Йæ уарзон актер Сергей Безруковимӕ равдыстытæм кæсын йæ бон у сахатгай. Сæ фембæлдмæ бæллыд рагæй. Лæппуйыл бæрæг у, уыцы æнкъарæнтæ тагъд кæй нæ ферох кæндзæн. Æнæмæнг сæ йæ зæрдыл бадардзæн. Фæсивæды нæ бæстæйы æмæ фæсарæнты хъæздыг историон æмæ литературон бындуртимæ чи зонгæ кæны, ахæм проект. Æххæст æй кæнынц æппæт Уæрæсейы дæр. Аивады дунеимæ хæстæгдæр зонгæ кæнгæйæ, фæсивæд сæхицæн байгом кæнынц цымыдисаг ногдзинæдтæ. Иумæ ахуыр кæнынц диалогтыл кусын, музыкæ æнкъарын, зæрдыл дарын ахсджиаг цаутæ. Сфæлдыстадон программæ цæттæ кæнынц рæзгæ фæлтæрæн. Уæлдай æргом здæхт цæуы этнокультурон æмæ патриотон хæзнатæм. Цæттæгæнæн мадзæлтты рæстæг сæ хъус дарынц алы лыстæгдзинадмæ дæр. Ам кусджытыл ис егъау бæрн. Ахсджиаг у канд экскурси саразын нæ, фæлæ фæсивæды сцымыдис кæнын. Цæмæй дарддæр сæхæдæг тырной аивад æмæ сфæлдыстадмæ. Зындгонд композиторты сфæлдыстадæн аргъ скæнын, фенын ноджы фылдæр ирд æмæ цымыдисаг равдыстытæ æгас бæстæйы дæр. Ахæм гæнæн ис. Æрмæст Цæгат Ирыстоны рауагътой 37 мин картæйы. Афæдзæй-афæдзмæ сæ нымæц фылдæр кæны. Картæйæ спайда кæнын йæ бон у æрмæст йæ хицауæн. Науæд æй, гæнæн ис, æмæ сæхгæной афæдзмæ. Алы картæйы дæр ис 5 мин сомы. Проекты руаджы мингай фæсивæд федтой алыхуызон спектаклтæ, равдыстытæ æмæ концерттæ. Ахæм хуызы сæм рæзы сфæлдыстадмæ уарзондзинад. Ахады суинаг дæсныйад равзарыныл дæр.