УФ-йы иумæйаг ахуырады сгуыхт кусæг, педагогон фæллойы ветеран Хъулаты Ирбегыл сæххæст 80 азы
Уарзон ахуыргæнæг, кадджын хистæр, зынаргъ адæймагæн раарфæ кæнын кæй фæнды, уыдон чысыл не сты. Фыййаджыбылы культурæйы хæдзары къух бакæнæн дæр нæй. Хъулаты Ирбег йæ царды фæндагыл кæимæ æмбæлыд æмæ йын 80 азмæ йæ зæрдæйы рæсугъд тæлмæн чи ныууагъта, уыдонæй бирæтæ абон ам сты. Хъулы-фыртæн æрдз бирæ хорз миниуджытæ балæвар кодта. Хистæртæй райста æгъдау. Йæ дарддæры фæндагыл та йæхæдæг бакуыста. Райгуырд 1944 азы 16 январы. Фыййаджыбылы скъола каст фæци 1961-æм азы. Æнтыстджынæй йæ каст фæцис. Уыцы рæстæг æрыгон ахуыргæнджыты æххуыс хъуыди Къостайыхъæуы æмæ Фыййаджыбылы скъолаты. Йæ куысты бынат баивыны фадат ын иу æмæ дыууæ хатты нæ уыд. Хуыдтой йæ районы фæскомцæдисы комитетмæ дæр. Суанг ма иу скъоламæ дæр сæрвыстой минæвæрттæ Ирбегмæ. Фæлæ нæ, ахуыргæнæг йæ дæсныйадыл йæ зæрдæ не сивта. Æнæцухæй, зымæджы уазалы æмæ сæрды тæвды фæцыд йæ уарзон куыстмæ. Хъулаты Ирбег скъолайы 43 азы бакуыста уырыссаг æвзаг æмæ литературæйы ахуыргæнæгæй. Уыдонæй 23 уыд директоры хæдивæг. Уарзон ахуыргæнæгæй дæнцæг райстой 70 адæймагæй фылдæр. Йæ рауагъдонтæй бирæтæ скъола каст фесты сызгъæрин æмæ æвзист майдантимæ. Ныртæккæ сты дохтыртæ, булкъонтæ, сæйрагдæр та, æгъдуадæттæг æмæ æфсармджын адæм. Абон уыдонæй бирæтæ ам сты. Курдиатджын адæймаг курдиатджын алцыппæтæй дæр вæййы, зæгъгæ, хуымæтæджы нæ загъдæуы. Хъулаты Ирбег фыссы æмдзæвгæтæ дæр. Уæдæ ма хифыст æмдзæвгæтыл сæвæры йæхи цагъд. Афтæ равзæрд райгуырæн хъæуыл зарæг. Цæгъды ирон фæндырæй. Суанг ма, æнæхъæн Иры курдиатджын дзыллæ цы æркасты архайдтой, уым дæр фыццаг бынат райста. Уæдæ азтæ адæймагæн æрмæст йæ рацарды бонты нымæц амонынц? Нæ! Хистæр рæхысы фидар цæгæй уæлдай нæу. Иу кæны ивгъуыд рæстæг æмæ сомбон. Йæ æнæхин æмæ зæрдиаг куысты тыххæй Хъулы-фырт хорзæхгонд у нæ бæстæйы Ахуырады министрады кады гæххæттæй. У Уæрæсейы Федерацийы иумæйаг ахуырады сгуыхт кусæг, педагогон фæллойы ветеран. Хъулаты Ирбег схъомыл кодта амæй ай фæзминагдæр, курдиатджындæр цоты. Цы сты 80 азы? Адæймаг миддунейæ хъæздыг куы уа æмæ сыгъдæгзæрдæйæ куы цæра, уæд уæнгтæ дæр рог кæнынц. Дæ зæрдæйы фæндиаг дæм фæндырæй цæгъдын æмæ кафын цæуæд, нæ кадджын хистæр!
Уарзон ахуыргæнæг, кадджын хистæр, зынаргъ адæймагæн раарфæ кæнын кæй фæнды, уыдон чысыл не сты. Фыййаджыбылы культурæйы хæдзары къух бакæнæн дæр нæй. Хъулаты Ирбег йæ царды фæндагыл кæимæ æмбæлыд æмæ йын 80 азмæ йæ зæрдæйы рæсугъд тæлмæн чи ныууагъта, уыдонæй бирæтæ абон ам сты. Хъулы-фыртæн æрдз бирæ хорз миниуджытæ балæвар кодта. Хистæртæй райста æгъдау. Йæ дарддæры фæндагыл та йæхæдæг бакуыста. Райгуырд 1944 азы 16 январы. Фыййаджыбылы скъола каст фæци 1961-æм азы. Æнтыстджынæй йæ каст фæцис. Уыцы рæстæг æрыгон ахуыргæнджыты æххуыс хъуыди Къостайыхъæуы æмæ Фыййаджыбылы скъолаты. Йæ куысты бынат баивыны фадат ын иу æмæ дыууæ хатты нæ уыд. Хуыдтой йæ районы фæскомцæдисы комитетмæ дæр. Суанг ма иу скъоламæ дæр сæрвыстой минæвæрттæ Ирбегмæ. Фæлæ нæ, ахуыргæнæг йæ дæсныйадыл йæ зæрдæ не сивта. Æнæцухæй, зымæджы уазалы æмæ сæрды тæвды фæцыд йæ уарзон куыстмæ. Хъулаты Ирбег скъолайы 43 азы бакуыста уырыссаг æвзаг æмæ литературæйы ахуыргæнæгæй. Уыдонæй 23 уыд директоры хæдивæг. Уарзон ахуыргæнæгæй дæнцæг райстой 70 адæймагæй фылдæр. Йæ рауагъдонтæй бирæтæ скъола каст фесты сызгъæрин æмæ æвзист майдантимæ. Ныртæккæ сты дохтыртæ, булкъонтæ, сæйрагдæр та, æгъдуадæттæг æмæ æфсармджын адæм. Абон уыдонæй бирæтæ ам сты. Курдиатджын адæймаг курдиатджын алцыппæтæй дæр вæййы, зæгъгæ, хуымæтæджы нæ загъдæуы. Хъулаты Ирбег фыссы æмдзæвгæтæ дæр. Уæдæ ма хифыст æмдзæвгæтыл сæвæры йæхи цагъд. Афтæ равзæрд райгуырæн хъæуыл зарæг. Цæгъды ирон фæндырæй. Суанг ма, æнæхъæн Иры курдиатджын дзыллæ цы æркасты архайдтой, уым дæр фыццаг бынат райста. Уæдæ азтæ адæймагæн æрмæст йæ рацарды бонты нымæц амонынц? Нæ! Хистæр рæхысы фидар цæгæй уæлдай нæу. Иу кæны ивгъуыд рæстæг æмæ сомбон. Йæ æнæхин æмæ зæрдиаг куысты тыххæй Хъулы-фырт хорзæхгонд у нæ бæстæйы Ахуырады министрады кады гæххæттæй. У Уæрæсейы Федерацийы иумæйаг ахуырады сгуыхт кусæг, педагогон фæллойы ветеран. Хъулаты Ирбег схъомыл кодта амæй ай фæзминагдæр, курдиатджындæр цоты. Цы сты 80 азы? Адæймаг миддунейæ хъæздыг куы уа æмæ сыгъдæгзæрдæйæ куы цæра, уæд уæнгтæ дæр рог кæнынц. Дæ зæрдæйы фæндиаг дæм фæндырæй цæгъдын æмæ кафын цæуæд, нæ кадджын хистæр!