Космонавтикæйы скъолайы къорд «Бонвæрнон» ахуыр кæндзæн иронау
Адæймаг дунейы йæ бынат ссардта. Акасти рæстæджы сæрты дæр æмæ йын базыдта йæ кар, кæд равзæрди Хуры системæ, цал азы цæуы Зæххыл. Космонавтикæ æмæ астрономийы тыххæй зонындзинæдтæ та ма суанг сабитæ дæр ахуыр кæнынц. Фæлæ абон мах цы цауæн уыдыстæм æвдисæн, уый историон куы схонæм, уæд нæ фæрæдийдзыстæм. Æрвон буæрттæ куыд фæзынынц, кæд æмæ цæмæй равзæрди Хуры системæ — ацы фарстатыл абонæй фæстæмæ Къомайты Русланы номыл Космонавтикæйы скъолайы райдайдзысты дзурын мадæлон æвзагыл дæр. Алайнаг гимназы ахуырдзаутæ сты фыццæгтæ «Дун-дуне»-йы, космонавтикæ æмæ астрономи иронау чи ахуыр кæндзæн. Космонавтикæйы скъолайы ирон ахуыртæ байгом кæнын уыд йæ бындурæвæрæг Къомайты Русланы стыр бæллиц. Йæ хъуыды фыццаг кæмæн загъта, уыдоны 'хсæн — Алайнаг гимназы разамонæг Цæразонты Мæдинæ дæр. Абон кæд ракетон-космосон техникæйы зындгонд конструктор не 'хсæн нал ис, уæддæр йæ фæнд сæххæст. Сабитæ цы программæмæ гæсгæ ахуыр кæндзысты, уый хуыйны «Дун-дуне», сæ къорд та - «Бонвæрнон». Æмæ уый дæр хуымæтæджы нæ. Къорд «Бонвæрнон»-æн йæ фыццаг ахуыртæ ацыдысты кадджын уавæры. Сабитæн раарфæ кæнынмæ бирæ уазджытæ саккаг кодтой Космонавтикæйы скъоламæ. Ахуырадон программæ сарæзта Теджетты Жаннæ. Сабитæн сæрмагондæй уыдзæн кусæн тетрæдтæ дæр. Пайда кæндзысты Сиукъаты Никъалайы чиныгæй дæр. Уый нæ алфæмбылай Дун-дунейы тыххæй цымыдисаг æрмæг ныффыста ирон æвзагыл. Абон уал къорды архайынц Алайнаг гимназы 12 ахуыргæнинаджы. Фæлæ ам, ирон æвзагыл космонавтикæ æмæ астрономи ахуыр кæнын кæй фæнды, уыдоныл се 'ппæтыл дæр бацин кæндзысты. Ацы лæппутæ æмæ чызджытæ нæ тæрсынц ног сусæгдзинæдтæ раргом кæнынæй, уымæн æмæ афтæ райгуырынц ног зонындзинæдтæ. Уырны нæ, космосон фæндагыл сын бирæ кæй бантысдзæн.
Адæймаг дунейы йæ бынат ссардта. Акасти рæстæджы сæрты дæр æмæ йын базыдта йæ кар, кæд равзæрди Хуры системæ, цал азы цæуы Зæххыл. Космонавтикæ æмæ астрономийы тыххæй зонындзинæдтæ та ма суанг сабитæ дæр ахуыр кæнынц. Фæлæ абон мах цы цауæн уыдыстæм æвдисæн, уый историон куы схонæм, уæд нæ фæрæдийдзыстæм. Æрвон буæрттæ куыд фæзынынц, кæд æмæ цæмæй равзæрди Хуры системæ — ацы фарстатыл абонæй фæстæмæ Къомайты Русланы номыл Космонавтикæйы скъолайы райдайдзысты дзурын мадæлон æвзагыл дæр. Алайнаг гимназы ахуырдзаутæ сты фыццæгтæ «Дун-дуне»-йы, космонавтикæ æмæ астрономи иронау чи ахуыр кæндзæн. Космонавтикæйы скъолайы ирон ахуыртæ байгом кæнын уыд йæ бындурæвæрæг Къомайты Русланы стыр бæллиц. Йæ хъуыды фыццаг кæмæн загъта, уыдоны 'хсæн — Алайнаг гимназы разамонæг Цæразонты Мæдинæ дæр. Абон кæд ракетон-космосон техникæйы зындгонд конструктор не 'хсæн нал ис, уæддæр йæ фæнд сæххæст. Сабитæ цы программæмæ гæсгæ ахуыр кæндзысты, уый хуыйны «Дун-дуне», сæ къорд та - «Бонвæрнон». Æмæ уый дæр хуымæтæджы нæ. Къорд «Бонвæрнон»-æн йæ фыццаг ахуыртæ ацыдысты кадджын уавæры. Сабитæн раарфæ кæнынмæ бирæ уазджытæ саккаг кодтой Космонавтикæйы скъоламæ. Ахуырадон программæ сарæзта Теджетты Жаннæ. Сабитæн сæрмагондæй уыдзæн кусæн тетрæдтæ дæр. Пайда кæндзысты Сиукъаты Никъалайы чиныгæй дæр. Уый нæ алфæмбылай Дун-дунейы тыххæй цымыдисаг æрмæг ныффыста ирон æвзагыл. Абон уал къорды архайынц Алайнаг гимназы 12 ахуыргæнинаджы. Фæлæ ам, ирон æвзагыл космонавтикæ æмæ астрономи ахуыр кæнын кæй фæнды, уыдоныл се 'ппæтыл дæр бацин кæндзысты. Ацы лæппутæ æмæ чызджытæ нæ тæрсынц ног сусæгдзинæдтæ раргом кæнынæй, уымæн æмæ афтæ райгуырынц ног зонындзинæдтæ. Уырны нæ, космосон фæндагыл сын бирæ кæй бантысдзæн.