Пысылмон диныл хæст адæм абон бæрæг кæнынц сæ сæйрагдæр бæрæгбæттæй иу - Хъуырман. Республикæйы æппæт пысылмон адæмæн арфæ ракодта Цæгат Ирыстоны сæргълæууæг Сергей Меняйло. Куыд фæнысан кодта, афтæмæй бæрæгбон у Хуыцауыл æнæцудгæ æууæнк æмæ монон иудзинады нысан. Адæммæ сиды кæрæдзийы уарзын, удыбæстæ кæнын, тых дæтты хорз фæндтæ царды уадзынæн. «Бæрæгбон пысылмон дингæнæг адæмы зæрдæтæн æрхæссæд цин, хорздзинад æмæ амонд! Уадз æмæ уæ хæдзæртты кæддæриддæр уа кæрæдзи æмбарындзинад æмæ уарзондзинад» — бафтыдта Сергей Меняйло.