Фæндаггон фыдбылызты, æмæ дзы чи фæмард вæййы, уыдоны нымæц, хъыгагæн, рæзы
Фæндаггон фыдбылызты, æмæ дзы чи фæмард вæййы, уыдоны нымæц, хъыгагæн, рæзы. Ахæм бон нæ вæййы, æмæ социалон хызæгты регионы фæндæгтыл уæззау цаутæ æрцыд, уый тыххæй информаци ма фæзына. Ныртæккæ уæ экрантыл цы кадртæ уынут, уыдон ист æрцыдысты хæрз цыбыр рæстæгмæ. Паддзахадон автоинспекцийы бæрæггæнтæм гæсгæ, фæндаггон фылбылызты сæйраг аххосæгтæ сты шофыртæ æмбæлгæ тагъдадимæ кæй нæ цæуынц æмæ фистæгæй цæуджытæн фæндаг кæй нæ раттынц, уый. Арæх фæндаггон фыдбылызты аххосджын вæййынц фистæгæй цæуджытæ. Халынц сæрмагонд фæтк. Адæм тагъдгæнгæйæ нæ феххæст кæнынц фæндаггонд змæлды домæнтæ. Светофортæм лæмбынæг нæ кæсынц, фæндаджы сæрты сæрмагонд бынæтты ахизыны бæсты равзарынц, кæм не мбæлы, уым. Афтæмæй сæвзæрын кæнынц тæссаг уавæр. Ууыл дзурæг сты статистикæйы бæрæггæнæнтæ дæрæрмæст афæдзы райдианæй Цæгат Ирыстоны æрцыд 297 фæндаггон фыбылызы, 22 адæймаджы дзы фæмард, 242-йæ фесты алыхуызон цæфтæ. Цавæртæ сты фæндаггон бæллæхты аххосæгтæ? Цæмæн афтæ бирæ сты? Уыцы фæрстытæн дæр нæм дзуæппытæ ис. Сæ парахатдæртæ сын ранымайæм. Фыццаг бынаты — шофыртæ хæдтулгæтыл комкоммæ фæндагмæ кæй рахизынц, уый. Ахæм цауты рæстæг фæмард 9 адæймаджы. Фистæгæй цæуджыты архайдимæ цаутæ уыдысты 62, хъыгагæн дзы, 5 адæймаджы фæмард. Æртыккаг бынаты — бæрзонд тагъдад. Уыимæ ма арæх фыдбылызмæ расайы хæдтулгæтæ фæндагæй кæй фæиппæрд вæййынц, уый. Ахæм фыдбылызты рæстæг фæмард 8 адæймажæы, 68 баййæфтой хъыгдæрд. Фæндаггон фыдбылызтæ ма 'руадзын æмæ сæ нымæц къаддæр кæнын аразгæ у фæндаггон змæлды архайджытæй се 'ппæтæй дæр. Афтæ зæгъынц дзуапдæттæг ведомствойы специалисттæ. Бæрнон кусджыты ныхæстæм гæсгæ, фыдбылызæй хи бахизыны домæнтæ сты хуымæтæг. Фæлæ, куыд сбæрæг, афтæмæй, хъыгагæн, фыдбылызæй хызт ничи у. Уæззау бæллæхы архайæг кæнæ æвдисæн куы суай, уæд хи раст куыд дарын хъæуы? Цавæртæ сты фыццаг æххуысы домæнтæ? Æнæмæнг цырд архайд. Афоныл æвæстиаты службæтæм фæхабар кæнын. Бадзурын 103 кæнæ 112 номырмæ, бамбарын кæнын уавæр. Трассæйыл фæндаггон фыдбылыз куы æрцæуа, уæд æххуысы фæдыл бадзурæн ис Бæллæхты медицинæйы центрмæ дæр. Бæллæхты медицинæйы центры куыд радзырдтой, афтæмæй специалисттæ хъуамæ фæндаггон фыдбылызы бынатмæ фæхæццæ уой 20 минуты æмгъуыдмæ. Ныртæккæ федералон фæндæгтыл специалисттæ рад хæссынц 4 пункты Беслæны, Дзуарыхъæуы, Елхоты æмæ Реданты. Медицинон кусджытæн сарæзтой æппæт уавæртæ дæр. Алы пункты дæр ис реанимобиль хъæугæ медицинон кусæнгæрзтæ æмæ медицинон хостимæ. Медицинон бригадмæ бадзурæн ис цалдæр номырмæ гæсгæ. Ныртæккæ сæ уынут уæ экрантыл. Дохтыртæ хæстæгдæр медицинон центртæм æвæстиатæй фæхæццæ кæндзысты хъыгдæрд чи баййæфта, уыдоны. Бахъуаджы рæстæг æмгуыст кæндзысты пъæлицæйы кусджытимæ. Статистикæйы бæрæггæнæнтæй зæрдæ нæ райы. Æрмæг цæттæ кæнгæйæ, бабæрæг кодтам автоскъола. Фæндыд нæ фидæны шофыртæм домæнтæ базонын. Специалисттæ нын куыд радзырдтой афтæмæй хæдтулгæ скъæрыныл ахуыр кæнынмæ исынц 16 азæй 70 азы онг кæуыл цæуы, уыдоны. Рæстæмбис нымадмæ гæсгæ сæм афæдзмæ ахуыртæ ацæуынц минмæ 'ввахс адæймаджы. Фæлварæнтæ сæ чи нæ ратты, ахæмтæ се 'хсæн бирæ разыны. Уымæн йæ аххосаг у ахуыртæм бæрнонæй кæй нæ бацæуынц, уый. Кæд Паддзахадон автоинспекцийы фæлварæнтæ æрмæг сахуыр кæнгæйæ раттæн ис, уæд хæдтулгæ скъæрынæй та экзамен раттæн ис æрмæст сахуыр уæвгæйæ. Специалисттæ ма нын куыд загътой, афтæмæй фæндаггон фыдбылызты аххосагыл банымайæн ис, горæты уынгтыл, фæндæгтыл хæдтулгæты нымæц зынгæ кæй фæфылдæр ис, уый. Зæрдæ дарæм, нæ æрмæг пайда кæй рауад, ууыл. Фæнды ма мæ иу хатт фæндаггон змæлды архайджытæм фæсидын, цæмæй фæндæгтыл цæугæйæ къæрцхъусдæр уой, æххæст кæной домæнтæ, æрмæст афтæмæй ис хи æмæ нæ уарзон адæмы уæззау бæллæхтæй бахизын. Æнæфыдбылыз ут!
Фæндаггон фыдбылызты, æмæ дзы чи фæмард вæййы, уыдоны нымæц, хъыгагæн, рæзы. Ахæм бон нæ вæййы, æмæ социалон хызæгты регионы фæндæгтыл уæззау цаутæ æрцыд, уый тыххæй информаци ма фæзына. Ныртæккæ уæ экрантыл цы кадртæ уынут, уыдон ист æрцыдысты хæрз цыбыр рæстæгмæ. Паддзахадон автоинспекцийы бæрæггæнтæм гæсгæ, фæндаггон фылбылызты сæйраг аххосæгтæ сты шофыртæ æмбæлгæ тагъдадимæ кæй нæ цæуынц æмæ фистæгæй цæуджытæн фæндаг кæй нæ раттынц, уый. Арæх фæндаггон фыдбылызты аххосджын вæййынц фистæгæй цæуджытæ. Халынц сæрмагонд фæтк. Адæм тагъдгæнгæйæ нæ феххæст кæнынц фæндаггонд змæлды домæнтæ. Светофортæм лæмбынæг нæ кæсынц, фæндаджы сæрты сæрмагонд бынæтты ахизыны бæсты равзарынц, кæм не мбæлы, уым. Афтæмæй сæвзæрын кæнынц тæссаг уавæр. Ууыл дзурæг сты статистикæйы бæрæггæнæнтæ дæрæрмæст афæдзы райдианæй Цæгат Ирыстоны æрцыд 297 фæндаггон фыбылызы, 22 адæймаджы дзы фæмард, 242-йæ фесты алыхуызон цæфтæ. Цавæртæ сты фæндаггон бæллæхты аххосæгтæ? Цæмæн афтæ бирæ сты? Уыцы фæрстытæн дæр нæм дзуæппытæ ис. Сæ парахатдæртæ сын ранымайæм. Фыццаг бынаты — шофыртæ хæдтулгæтыл комкоммæ фæндагмæ кæй рахизынц, уый. Ахæм цауты рæстæг фæмард 9 адæймаджы. Фистæгæй цæуджыты архайдимæ цаутæ уыдысты 62, хъыгагæн дзы, 5 адæймаджы фæмард. Æртыккаг бынаты — бæрзонд тагъдад. Уыимæ ма арæх фыдбылызмæ расайы хæдтулгæтæ фæндагæй кæй фæиппæрд вæййынц, уый. Ахæм фыдбылызты рæстæг фæмард 8 адæймажæы, 68 баййæфтой хъыгдæрд. Фæндаггон фыдбылызтæ ма 'руадзын æмæ сæ нымæц къаддæр кæнын аразгæ у фæндаггон змæлды архайджытæй се 'ппæтæй дæр. Афтæ зæгъынц дзуапдæттæг ведомствойы специалисттæ. Бæрнон кусджыты ныхæстæм гæсгæ, фыдбылызæй хи бахизыны домæнтæ сты хуымæтæг. Фæлæ, куыд сбæрæг, афтæмæй, хъыгагæн, фыдбылызæй хызт ничи у. Уæззау бæллæхы архайæг кæнæ æвдисæн куы суай, уæд хи раст куыд дарын хъæуы? Цавæртæ сты фыццаг æххуысы домæнтæ? Æнæмæнг цырд архайд. Афоныл æвæстиаты службæтæм фæхабар кæнын. Бадзурын 103 кæнæ 112 номырмæ, бамбарын кæнын уавæр. Трассæйыл фæндаггон фыдбылыз куы æрцæуа, уæд æххуысы фæдыл бадзурæн ис Бæллæхты медицинæйы центрмæ дæр. Бæллæхты медицинæйы центры куыд радзырдтой, афтæмæй специалисттæ хъуамæ фæндаггон фыдбылызы бынатмæ фæхæццæ уой 20 минуты æмгъуыдмæ. Ныртæккæ федералон фæндæгтыл специалисттæ рад хæссынц 4 пункты Беслæны, Дзуарыхъæуы, Елхоты æмæ Реданты. Медицинон кусджытæн сарæзтой æппæт уавæртæ дæр. Алы пункты дæр ис реанимобиль хъæугæ медицинон кусæнгæрзтæ æмæ медицинон хостимæ. Медицинон бригадмæ бадзурæн ис цалдæр номырмæ гæсгæ. Ныртæккæ сæ уынут уæ экрантыл. Дохтыртæ хæстæгдæр медицинон центртæм æвæстиатæй фæхæццæ кæндзысты хъыгдæрд чи баййæфта, уыдоны. Бахъуаджы рæстæг æмгуыст кæндзысты пъæлицæйы кусджытимæ. Статистикæйы бæрæггæнæнтæй зæрдæ нæ райы. Æрмæг цæттæ кæнгæйæ, бабæрæг кодтам автоскъола. Фæндыд нæ фидæны шофыртæм домæнтæ базонын. Специалисттæ нын куыд радзырдтой афтæмæй хæдтулгæ скъæрыныл ахуыр кæнынмæ исынц 16 азæй 70 азы онг кæуыл цæуы, уыдоны. Рæстæмбис нымадмæ гæсгæ сæм афæдзмæ ахуыртæ ацæуынц минмæ 'ввахс адæймаджы. Фæлварæнтæ сæ чи нæ ратты, ахæмтæ се 'хсæн бирæ разыны. Уымæн йæ аххосаг у ахуыртæм бæрнонæй кæй нæ бацæуынц, уый. Кæд Паддзахадон автоинспекцийы фæлварæнтæ æрмæг сахуыр кæнгæйæ раттæн ис, уæд хæдтулгæ скъæрынæй та экзамен раттæн ис æрмæст сахуыр уæвгæйæ. Специалисттæ ма нын куыд загътой, афтæмæй фæндаггон фыдбылызты аххосагыл банымайæн ис, горæты уынгтыл, фæндæгтыл хæдтулгæты нымæц зынгæ кæй фæфылдæр ис, уый. Зæрдæ дарæм, нæ æрмæг пайда кæй рауад, ууыл. Фæнды ма мæ иу хатт фæндаггон змæлды архайджытæм фæсидын, цæмæй фæндæгтыл цæугæйæ къæрцхъусдæр уой, æххæст кæной домæнтæ, æрмæст афтæмæй ис хи æмæ нæ уарзон адæмы уæззау бæллæхтæй бахизын. Æнæфыдбылыз ут!