Цæгат Ирыстоны кæронмæ æрхæццæ спартакиадæйы æртыккаг регионалон къæпхæн
Дзæуджыхъæуы кæронмæ æрхæццæ «Юность России» спартакиадæйы æртыккаг регионалон къæпхæн. Архайынц дзы профессионалон ахуырадон уагдæтты минæвæрттæ. Мæйы бæрц ерыс кодтой спорты 9 хуызмӕ гӕсгӕ. Се 'хсæн ленк кæнын, футбол, баскетбол, волейбол æмæ рог атлетикæ. Спортсментæн фадат уыд сæ дæсныйад равдисынæн æмæ фæлтæрддзинад райсынæн. Финалмæ рацæуынмæ тох кодтой 700 адæймагæй фылдæр. Хуыздæртæ республикæйы кад хъахъхъæндзысты æппæтуæрæсеон турниры Уфайы, 17-æм майы. Уæлахиздзаутæ æмæ призертæ райстой кубоктæ, майдантæ æмæ кады гæххæттытæ. Мадзалы архайдта спорты министр Кочиты Сослан дæр.