Ног ахуыры азæй Цæгат Ирыстоны фæзындзæн полилингвалон ахуырады ног 19 къорды

Ног ахуыры аз Цæгат Ирыстоны байгом кæндзысты полилингвалон ахуырады 19 къорды. Ныртæккæ дыууæ 'взагыл ахуыртæ цæуынц республикæйы 96 рæвдауæндоны. Проект æххæст кæнын райдыдтой 2017-æм азы æмæ йын ныридæгæн ис хорз хатдзæгтæ. Ахуырад æмæ наукæйы министр Алыбегты Эллæ бабæрæг кодта Бæрæгъуын. Бынæттон рæвдауæндоны ацыд гом урок. Полилингвалон методикæйы 'руаджы дзы архайынц ныр 3 азы. Хъазты хуызы иронау сабитæн дзурынц нæ адæмы культурæ æмæ традициты тыххæй.