Цæгат Ирыстоны цæрджытæ Ног азы бæлæстæ цы фæкæной, уый нæ зонынц

Ног азы бæрæгбæттæ кæронмæ æрхæццæ сты, æмæ адæм сæ аив æмæ рæсугъд заз бæлæстæ райдыдтой халын. Кæнгæ бæлæстæ чи сæвæрдта ацы аз, уыдон ма сæ пайда кæндзысты иннæ аз дæр. Æрдзон уавæрты чи ’рзади, ахæм заз бæлæстæ та чи равзæрста, уыцы адæмæн сæ фылдæр хай – райдыдтой бырондонмæ æппарын. Нæ уацхæсджытæ ацы фарстайы фæдыл бацæттæ кодтой æрмæг. Бæлвырддæр Къутæрты Аидæ радзурдзæн. Ирыстоны цæрджытæ æнæхъæн аз кæмæ фенхъæлмæ кæсынц, уыцы Ног азы бæрæгбæттæ кæронмæ æрхæццæ сты. Зæгъæн ис, æмæ адæм сæхи бæстонæй фæцæттæ кæныныц уыцы бонтæм. Базарты къах авæрæн нал вæййы. Адæм бæрæгбоны фынгтæм фелхæнынц алыхуызон хæринæгтæ, февзарынц хъазæнтæ, хиуæттæн та балхæнынц лæвæрæттæ. Фæлæ ацы бæрæгбоны сæйрагдæр у – рæсугъд æмæ аив арæзт заз бæлас. Ныртæккæ адæмæн сæ фылдæр æвзарынц æрдзон уавæрты чи сырæзт, ахæм бæлас, иутæ та уарзынц хиконд заз бæлæстæ. Кæд хиконд бæлæстæй нæ бон у цалдæргай азты пайда кæнын, уæд æрдзон заз бæластæ та уый бæрц нæ лæууынц, бирæваг не’сты. Ирыстоны цæрджытæ бæрæгбоны фæстæ сæ рæсугъд арæзт заз бæлæстæ раппарынц бырондонмæ. Уыимæ ма бæлæстæ басудзынц, кæнæ та сæ ныппырх кæнынц уынджы. Æппæтуæрæсеон æхсæнадон организаци æрдзон хъахъхъæнынады цæгат-ирыстойнаг хайады бæрнон секретарь Зураб Майрансаев: «Ацы темæ актуалон у. Уыимæ æрмæст нæ республикæйы нæ, фæлæ ма æгас дунейы дæр. Зæгъæм, фæсарæнты заз бæлæстæй пайда кæнынц кательнæты. Иутæ та сæ кæнынц лыстæг. Иу ныхасæй – æнæпайда калд сæ ничи кæны. Зæгъæм, Мæскуыйы та ис сæрмагонд центртæ, бадæттæн сæ кæдæм ис, ахæмтæ». Ныртæккæ Уæрæсейы регионтæн сæ фылдæры ис сæрмагонд бынæттæ, бæрæгбæтты фæстæ заз бæлæстæ кæдæм радтынц, ахæмтæ. Ома, сæ кæнынц æмбæлгæ хуызы утилизаци. Абон нæ республикæйы ахæм бынæттæ нæй. Фæлæ сæ адæймагæн йæхи бон дæр у раст утилизаци скæнын. Цæмæй хабæрттæ бæлвырддæр базонæм, уый тыххæй мах абалц кодта Æрыдоны районмæ, цæмæй сæрмагондæй фенæм, заз бæлæстæ кæм зайынц, цавæр уавæрты, стæй сæм куыд зилынц, уый дæр. Гыбызты Валерий ацы куысты ныр афæдзæй фылдæр нæ кусы, фæлæ йæм фæлтæрддзинад бирæ ис. 20 азæй фылдæр фæллой кæны ацы къабазы. Хорз зоны ацы куыст. Йæ цæст дары алы бæласмæ. дæр. Уæвгæ уыдон та чысыл не сты. Ацы питомниккы ис бирæ алыхуызон бæлæстæ, хъæуы сæм зилын сæрмагонд домæнтæм гæсгæ. Гыбызты Валерий йæ цæст дары алы бæласмæ дæр. Уæвгæ уыдон та чысыл не сты. Ацы питомниккы ис бирæ алыхуызон бæлæстæ, зилын сæм хъæуы сæрмагонд домæнтæм гæсгæ. Ацы куыст кæнын райдыдтой 2017 азæй нырмæ. Ныридæгæн сæм ис бирæ бæлæстæ. Фæлæ «Аланиялес»-ы кусджытæ сæ цæст тынгдæр дарынц заз бæлæстæм. Фидæнмæ дæр сæм бирæ пълæнттæ ис. Хъуамæ цыбыр рæстæгмæ реализацигонд æрцæуой, сæ уидæгтæ æхгæд кæмæн сты, уыцы бæлæстæ. Адæймагæн сæ йæ бон у Ног азмæ балхæнын. Цы сæрмагонд къоппыты уыдзысты, уыдоны фæрцы лæудзысты бирæ фылдæр. Уый фæстæ та ма сæ ис æндæр ран ныссадзæн. Æрыдоны районы питомникы ныртæккæ ис æхсæлы, туя, гибискус, бæрзбæлас, самшит, пихтæ æмæ æндæр цымыдисаг бæлæстæ. Уыдон иууылдæр æрвылаз саив кæнынц нæ республикæйы уынгтæ. Æрвыст æрцыдысты Хуссар Ирыстонмæ дæр. Уыимæ ма ласт æрцæуынц паддзахадон ахуыргæнæндæттæм. Нæ республикæйы паддзахадон экологон цæстдарды управленийы сæйраг специалисты ныхæстæм гæсгæ, ныридæгæн Ирыстоны цæрджытæ хъуамæ сæхæдæг архайой, цæмæй заз бæлæстæ калд ма цæуой, ууыл. Цæгат Ирыстоны паддзахадон экологон цæстдарды управленийы сæйраг специалист Мындзаты Алан: «Ныры онг нæ республикæйы фадат нæй, заз бæлæстæ раст утилизаци кæнынæн.  Фæлæ нын ис фадат, цæмæй адæм сæхæдæг бæлæстæй раст спайда кæной. Бирæ адæм дзы пайда кæнынц хъæууон-хæдзарады къабазы. Зæгъæм, сæ хихтæй иутæ кæнынц хостæ дæр». Æрæджы Цæгат Ирыстоны æрдзон æвæрæнты æмæ экологийы министрады кусджытæ сæ курдиатимæ бацыдысты нæ горæты администрацимæ. Бирæ фæрæзтæ кæй хъæуы, уый фæдыл зæрдæмæдзæугæ дзуапп нæ райстой. Ныридæгæн алкæмæндæр йæхи бар у, цавæр бæлас равзардзæн, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv