Зынгонд поэты кадæн

Абон æгас дунейы бæрæг кæнынц уырыссаг æвзаджы бон æмæ зынгонд уырысаг поэт Александр Пушкины 220 азы райгуырды бон. Дзæуджыхъæуы бæрæгбоны фæдыл сарæзтой кадджын мадзæлттæ. Традицимæ гæсгæ уырыссаг æвзаджы бындурæвæрæджы æмдзæвгæтæ кастысты йæ ном чи хæссы уыцы скверы. Поэты ном ссарынмæ æрбацыдысты культурæйы кусджытæ, æхсæнады минæвæрттæ, скъоладзаутæ æмæ йын йæ курдиатæн стыр аргъ чи кæны, уыдон. Алексндр Пушкины цыртдзæвæныл сæвæрдтой дидинджытæ. Мадзалы архайджытæн радзырдтой поэты царды фæндæгты тыххæй. Цæгат Ирыстоны паддзахадон университеты дæр бæрæгбон сбæрæг кодтой. Александр Пушкины цыртдзæвæны раз сæмбырд сты уæлдæр ахуыргæнæндоны ахуыргæнджытæ æмæ студенттæ. Уырыссаг филологийы факультеты кусджытæ дзырдтой зынгонд поэт уырыссаг æвзаджы райрæзтмæ стыр æвæрæн кæй бахаста, уый тыххæй. Мæскуыйы та абон ис «Красная площадь», зæгъгæ фестивалы кæронбæттæн. Снысанæй кодтой поэты райгуырæн бонмæ. 50 регионæй фылдæр бацæттæ кодтой стендтæ. Нæ республикæ равдыста 300 чиныгæй фылдæр. Се `хсæн фенæн ис куыд Нарты кадджытæ афтæ æрыгон авторты уацмыстæ дæр. Стенды фыццаг хатт равдыстой Хуссар Ирыстоны фысджыты куыстытæ дæр. Фестивалы фæзты боны дæргъы цæудзысты сфæлдыстадон фембæлдтæ, дæсныйад æвдисæг ахуыртæ. Уымæй уæлдай ма викторинæтæ, дискусситæ æмæ презентацитæ. Мадзалы кæронбæттæны сараздзысты концерт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv