Паддзахадон думæйы депутат Таймазты Артур байхъуыста цæрджыты курдиаттæм

Паддзахадон думæйы депутат Таймазты Артур байхъуыста цæрджыты фарстатæм. Æххуысы фæдыл райста 40 курдиатæй фылдæр. Сæ фылдæр баст уыдысты ахуырад, æнæниздзинад хъахъхъæныныад, социалон æмæ цæрæнуæтты-коммуналон къабæзтимæ. Уыимæ ма хостæй ифтонгад æмæ нæ бæстæйы æндæр регионты реабилитаци ацæуыны фæдыл. Таймазты Артуры ныхæстæм гæсгæ, цæрджытæн сæ зын уавæрты баххуыс кæнын у ахсджиаг хъуыддаг. Мадзал сбастой парти «Иугонд Уæрæсе»-йы сæвзæрды бонимæ. Уымæй уæлдай, Таймазты Артур бузныджы ныхæстæ загъта астæуккаг медицинон кусджытæн, пандемийæйы рæстæг удуæлдайæ кæй кусынц, уый фæдыл, æмæ сæ фæнысан кодта арфæйы фыстæджытæй. Хорзæхтæ райстой Республикон клиникон рынчындон, Сывæллæтты рынчындон æмæ Онкологон диспансеры медицинон кусджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv