Цæгат Ирыстоны пъæлицæйы кусджытæ æрцахстой 34 аздзыд нæлгоймаджы.

Цæгат Ирыстоны пъæлицæйы кусджытæ æрцахстой 34 аздзыд нæлгоймаджы. Азымджынæй кæнынц цæстфæлдахæн митæ кæй кодта уымæй. Фыдгæнæджы сардтой æртæ боны æмгъуыдмæ. Уый тыххæй хъусын кæны республикæйы мидхъуыддæгты министрады пресс-службæ. Нæлгоймаг сæрмагонд дуканийы хаццоны райста кусæнгæрзтæ- бæлвырддæр та Японийы уагъд дзæбуг. Дуканийы йын цы рæстæг снысан кодтой уыцы æмгъуыдмæ нæлгоймаг кусæнгæрз нæ фæхæццæ кодта. Дуканийы хицау фыдгæнæджы агуырдта хи хъарутæй фæлæ йыл куынæ фæхæст уæд æххуысмæ бацыд пъæлицæйы кусджытæм. дуканийы хицау куыд зæгъы афтæмæй кусæнгæрз аргъ уыд 55 мин сомы. Пъæлицæйы кусджытæ куыд сбрæг кодтой афтæмæй фыдгæнæг дзæбуг къаддæр аргъыл ауæй кодта Дзæуджыхъæуы базарадон центртæй иуы. Æхца бахардз кодта хи пайдайæн. Ныр гæнæн ис æмæ нæлгоймаг 5 азы ахæстоны фæбада. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv