Худзаст сывæллæттæ

Октябрь нымайынц, Дауны синдром кæмæ раиртæстой, уыдоны мæйыл. Адæмæн ацы бонты уæлдай арæхдæр фæдзурынц хурдзаст сывæллæтты тыххæй. Сты фæлмæн, зæрдæхæлар æмæ, æгæрон уарзтæй цард чи уарзы, ахæм сывæллæттæ. Цæгат Ирыстоны семæ кусы æхсæнадон организаци "Время перемен", зæгъгæ. Сæ бæрны ис 88 сывæллоны. Æххуысы центр федтой не сфæлдыстадон къорды уæнгтæ дæр. Яна тынг æргом сывæллон у, æппындæр камерæйæ нæ тæрсы, уайтагъд рауад нæ размæ, æмæ интервью радтыныл сразы. У хæларзæрдæ сывæллон. Цæуы йыл 8 азы. Иннæ чызджыты хуызæн уарзы бирæ къабатæ, фæрдгуытæ æмæ куклатæ. 21-æм хромосомæйы трисомийæ - ахæм у йæ низы ахаст. Иудзырдæй, "хурдзаст сывæллон" у. Сæ ном - сæ уæлæ: хур алкæуыл куыд æххæссы, афтæ ацы сывæллæттæ дæр алкæмæ сæхи ивазынц. Хъыгагæн, ахæм низыхаттимæ сабитæ фæстаг рæстæг сарæх сты. Статистикæмæ гæсгæ 800 сывæллоны `хсæн разыны иу рынчын. Ацы низы аххос у иу уæлдай хромосомæ. Кæд нæ кариотип 46 хромосомæйæ конд у, уæд ахæм низæй рынчын сывæллæттæн та 47 сты. Нæ медицинон æххуыс уый мидæг ис, æмæ сын сæ физикон хъæндзинæдтæ фæкъаддæр кæнæм. Йе `нæниздзинад хъыгдард кæмæн у, уыцы сывæллæттæ вæййынц лæмæгъ. Республикæйы ахæм низæй рынчын сывæллæттимæ кусынц сæрмагонд ран - центр "Феникс". Уым сын аразынц алыхуызон процедурæтæ, низ дзæбæхгæнæн гимнастикæ æмæ массаж. Семæ кусынц логопедтæ æмæ психологтæ. Специалистæ сæ ахуыр кæнынц, æхсæнады хи дарын куыд хъæуы , ууыл. Рæстмæ сын кæнынц сæ хъуыдыкæнынад. Алы сывæллоны зæрдæмæ дæр хъæуы фæндаг ссарын. Чысыл сабитæм хæрыны рæстæг фæзыны цавæрдæр зындзинæдтæ, уый баст у се `фсæрты змæлдимæ. Нæ логопедтæ сема фæкусынц, цæмæй хуыздæр дзурын райдайой. Сæ фидæны царды сæ уый бахъæудзæн. Æхсæнадон организаци «Время перемен», зæгъгæ, уый архайджытæ сты "хурдзаст" сывæллæтты ныййарджытæ. Хъотайты Альбинæ йæ сарæзта. Йæхæдæг дæр у ахæм сывæллоны мад. Æххуыс кæнынц, йæ хæдзары ма хур кæмæн кæсы, уыцы ныййарджытæн. Саразынц сын хæрзаудæн мадзалтæ. Альбинæ куыд зæгъы, афтæмæй ахæм сывæллæтты зæрдæ балхæнынæн бирæ истытæ нæ хъæуы. Æрмæстдæр сæм де `ргом раздах æмæ сын дæ зæрдæйы хъарм равдис. Иннæ сывæллæттæй ницæмæй хъауджыдæр сты. Æрмæст сын хъæуы æхсæнадмæ фæндаг ссарынæн баххуыс кæнын. 18 азы кæуыл рацæуы, уыдоны хъысмæт дæр æвæгæсæг вæййы. Организацийы сæ зæрдæ дарынц, æххуысцух кæй нæ уыдзысты æмæ сæ зынтимæ ныхæй-ныхмæ кæй не `рлæудзысты. Хъуысаты Мæдинæ, Тинатин Музашвили, Суанты Алан, Ирыстоны хабæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv