Хатдзæгтæ æмæ ног пълæнттæ

Нæ республикæйы финансты министры фыццаг хæдивæг Дзæгойты Алан хицауады æмбырды куыд фехъусын кодта, афтæмæй афæдзы фыццаг хай нæ республикæйы бюджеты æфтийæгтæ 5 миллиард сомæй фæфылдæр сты. Бæрнон кусæг куыд загъта, афтæмæй, хи хъалон æмæ æнæхъалон æфтийæгты бæрц схызтис æдæппæтæй 2, 5 миллиард соммæ. Æфтийæгты бæрц хорзырдæм кæй ивы, уый Хицауады сæргълæууæг Тускъаты Таймураз дæр бафиппайдта. Уавæр та фæхуыздæр хъалон исæн службæимæ æмгуыстады фæрцы. Æмбырды ма æрдзырдтой хъæууон кусджытæн æххуысы тыххæй. Ацы аз уыцы куыстæн радих кодтой 23 миллуан сомы. 16 дзы хардзгонд æрцæудзысты хъæуы цæрæг æрыгон специалистты цæрæнбынæтты уавæртæ фæхуыздæр кæныныл. Ног цæрæнуæттæ балхæныныæн субсидитæ райсдзысты 26 бинонтæ. Хуыздæрырдæм ивддзинæдтæм æнхъæлмæ кæсынц цæрæнуæтты-коммуналон хæдзарады къабазы дæр. Ацы аз пъланмæ гæсгæ 50 бирæфатерон хæдзары 140 лифты ногтæй ивд æрцæудзысты. Уый æрмæст Дзæуджыхъæуы нæ, фæлæ ма Алагиры районы дæр. Æдæппæтæй Цæгат Ирыстоны ис 700 лифты. Уыдонæй 300-йæн сæ пайдакæныны æмгъуыд фæци. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv