Прокуратурæйы минæвæрттæ бæрæг кæнынц республикæйы сывæллæтты фæзты уавæр
"Цы хуыздæр — сабитæн", зæгъгæ, ацы хъуыддаджы зæгъæн нæй. Æрыдоны районы æмæ Дзæуджыхъæуы хъазæн фæзты уавæр сæ хуыздæртæй нæу. Сæ кæцыдæр хай та у æнæниздзинадæн тæссаг. Æдасдзинады домæнтæн дзуапп нæ дæттынц. Бынæттон цæрджытæ рагæй хъаст кæнынц. Сабиты ацы бынæттæм нæ уадзынц. Сывæллæтты хиирхæфсæн бынæттæ басгæрстой прокуратурæйы кусджытӕ. Ацы бынат, тынг дæ куы фæнда, уæддæр хъазæн фæз схонæн нæй. Херытæ цыма классикон триллерæй сты, уыййау хӕлддзаг æмæ, æргом дзырдæй, тæссаг. Асфальт хæмпæлгæрдæгӕй нал зыны, саст авг æмæ быроны бын фæци. Бынæттон сабитæ дзы хъазгæ нæ, фæлæ йе 'мгæрæтты дæр нæ цæуынц. Фæлтау хъæуы иннæ кæронмæ араст вæййынц, уым æндæр хъазæн фæз ис. Æгас хъæуы сты æрмæст дыууæ. Цæрджытæ зæгъынц, хъæуы администрацимæ кæй хъаст кодтой. Фарстой, хъазæн фæзмæ цæстдард цæуылнæ ис, зæгъгæ. Фæлæ сын нæдæр дзуапп лӕвӕрдтой, нæдæр уавæр фæхуыздæр. Бынаты басгæрст сарæзта районы прокуратурæ. Бабæрæг ма кодтой иу фæз — Æрыдоны. Уым сывæллæтты хъазæн бынатыл сæрмагонд уæлцъар тыд нæй. Херыты цур — дуртæ, гыццыл дарддæр — бырæттæ. Нæдæр дзы рухсытæ ис нывыл арæзт, нæдæр гæрæнтæ. Прокуратурæ аиппытæ фӕнысан кодта æртæ хъазæн фæзы. Куыд рабæрæг, афтæмæй администрацийы хыгъдмæ хаст не сты. Сывæллæтты фæзты уавæр бæрæг кæнынц Дзæуджыхъæуы дæр. Цæгат-ныгуылæн районы прокуратурæ бабæрæг кодта цалдæр бынаты. Хъесаты Астаны номыл уынджы 27-æм хæдзары цур объекты нæй рухсытæ, баскетболон фæз заууат уавæрмæ æрцыд. Цалдæр ран уæлцъар фехæлд. Уый æдас нæу. Хъазты рæстæг сывæллæттæ арæх фæкæлынц. Весенняя уынджы 4-æм хæдзары цур та ноджы фылдæр къуылымпыдзинæдтæ рабæрæг. Кæрты 400-йы бæрц фатеры ис æмæ сывæллæттæн хъазынæн æндæр бынат нæй. Прокуратурæйы фæнысан кодтой объектты техникон эксплуатацийы фæткхæлдтæ. Бæрнады хъусынгæнинагмæ гæсгæ, сывæллæтты фæзтæ дыууæ дæр бакодтой куыстуат "Спецэкосервис"-ы бæрны. Къуылымпыдзинæтæ аиуварс кæнынæн ис 30 боны. Уыцы рæстæгмæ уавæр куы нæ аива хуыздæрырдæм, уæд прокуратурæ сæрмагонд домæн бадæтдзæн тæрхондонмæ.
"Цы хуыздæр — сабитæн", зæгъгæ, ацы хъуыддаджы зæгъæн нæй. Æрыдоны районы æмæ Дзæуджыхъæуы хъазæн фæзты уавæр сæ хуыздæртæй нæу. Сæ кæцыдæр хай та у æнæниздзинадæн тæссаг. Æдасдзинады домæнтæн дзуапп нæ дæттынц. Бынæттон цæрджытæ рагæй хъаст кæнынц. Сабиты ацы бынæттæм нæ уадзынц. Сывæллæтты хиирхæфсæн бынæттæ басгæрстой прокуратурæйы кусджытӕ. Ацы бынат, тынг дæ куы фæнда, уæддæр хъазæн фæз схонæн нæй. Херытæ цыма классикон триллерæй сты, уыййау хӕлддзаг æмæ, æргом дзырдæй, тæссаг. Асфальт хæмпæлгæрдæгӕй нал зыны, саст авг æмæ быроны бын фæци. Бынæттон сабитæ дзы хъазгæ нæ, фæлæ йе 'мгæрæтты дæр нæ цæуынц. Фæлтау хъæуы иннæ кæронмæ араст вæййынц, уым æндæр хъазæн фæз ис. Æгас хъæуы сты æрмæст дыууæ. Цæрджытæ зæгъынц, хъæуы администрацимæ кæй хъаст кодтой. Фарстой, хъазæн фæзмæ цæстдард цæуылнæ ис, зæгъгæ. Фæлæ сын нæдæр дзуапп лӕвӕрдтой, нæдæр уавæр фæхуыздæр. Бынаты басгæрст сарæзта районы прокуратурæ. Бабæрæг ма кодтой иу фæз — Æрыдоны. Уым сывæллæтты хъазæн бынатыл сæрмагонд уæлцъар тыд нæй. Херыты цур — дуртæ, гыццыл дарддæр — бырæттæ. Нæдæр дзы рухсытæ ис нывыл арæзт, нæдæр гæрæнтæ. Прокуратурæ аиппытæ фӕнысан кодта æртæ хъазæн фæзы. Куыд рабæрæг, афтæмæй администрацийы хыгъдмæ хаст не сты. Сывæллæтты фæзты уавæр бæрæг кæнынц Дзæуджыхъæуы дæр. Цæгат-ныгуылæн районы прокуратурæ бабæрæг кодта цалдæр бынаты. Хъесаты Астаны номыл уынджы 27-æм хæдзары цур объекты нæй рухсытæ, баскетболон фæз заууат уавæрмæ æрцыд. Цалдæр ран уæлцъар фехæлд. Уый æдас нæу. Хъазты рæстæг сывæллæттæ арæх фæкæлынц. Весенняя уынджы 4-æм хæдзары цур та ноджы фылдæр къуылымпыдзинæдтæ рабæрæг. Кæрты 400-йы бæрц фатеры ис æмæ сывæллæттæн хъазынæн æндæр бынат нæй. Прокуратурæйы фæнысан кодтой объектты техникон эксплуатацийы фæткхæлдтæ. Бæрнады хъусынгæнинагмæ гæсгæ, сывæллæтты фæзтæ дыууæ дæр бакодтой куыстуат "Спецэкосервис"-ы бæрны. Къуылымпыдзинæтæ аиуварс кæнынæн ис 30 боны. Уыцы рæстæгмæ уавæр куы нæ аива хуыздæрырдæм, уæд прокуратурæ сæрмагонд домæн бадæтдзæн тæрхондонмæ.