Кинологон хайады кусджыты бæрæгбоны сабитæн равдыстой, куыйтимæ куыд кусын хъæуы, уый

Кинологон хайады кусджыты бæрæгбоны Æрыдоны районы Уæрæсейы Мидхъуыддæгты министрады уæнгтæ 4-æм скъолайы сабитæн равдыстой, сæ куыйтимæ куыд кусынц, уый. Пъæлицæйы сержант Хъыбызты Хетæг сын уый тыххæй бæстон радзырдта. Сабитæ федтой немыцаг овчаркæ Тарзаны арæхстдзинад. Куыдз æрцахста гæрзифтонг фыдгæнæджы. Фыдгæнæджы хуызы уыд пъæлицæйы кусæг. Кинолог æмæ йæ куыдзы арæхстджын иумæйаг куысты фæрцы фыдгæнæг ахст æрцыд. Кæнгæ «фыдгæнæджы» пъæлицæйы хæдтулгæмæ куы хуыдтой, уæд алидзынвæнд скодта, фæлæ йын къæрцхъус куыдз ахæм фадат нæ радта. Сывæллæтты ма базонын фæндыд, куыйтæм раст куыд зилын хъæуы, куыд сæ хъомыл кæнын хъæуы, уый тыххæй. Сабитæ фембæлдæй баззадысты разыйæ. Пъæлицæйы кусджытæн бузныджы ныхæстæ загътой, ахæм цымыдисаг мадзал сын кæй сарæзтой, уый фæдыл. Зæрдæ сын бавæрдтой, тагъд рæстæджы районы пъæлицæйы хайадмæ экскурсимæ кæй æрбацæудзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv