Компанитæй дзуапп домын

Цæрæн коммуналон хæдзарады разамынддæттæг компаниты куыст бæрæг кæндзысты бæлвырд домæнтæм гæсгæ. УФ-йы арæзтады министрад сарæзта æмæ сфидар кодта бирæуæладзыгон хæдзæрттæм цæст дарыны ног фæтк. Ныр разамынддæттæг компаниты кусджыты, æнæмæнг, хъæудзæн, дæмæнтæ æххæст кæнын. Æдæппæтæй сты 31. Ног документы фыст ис компанитæ хæдзæртты пъадвалтæм, цартæм, хæдзæртты æддаг бакастмæ куыд хъуамæ зилой, уый. Уымæй уæлдай ма сæ бæрны сты бирæуæладзыгон хæдзæртты асинтæ, рудзгуытæ, дуарттæ. Компаниты кусджытæм ма хауы электрон æмæ хъармдæттæг хызæгтæ бæрæг кæнын. Нырæй фæстæмæ лифтты куыстæн дæр дзуапп дæтдзысты разамынддæттæг компанитæ. Кæд æмæ компани йæ хæстæ куыд æмбæлы, афтæ не ххæст кæна, уæд цæрджытæн бар уыдзæн сæ бæлвырд фиддонты бæрц ногæй банымайын домын. Ацы информаци бæстон бакæсæн ис нормативон актты порталы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv