Хæдтæхæгмæ уаргъ хæссыны уаг

Паддзахадон Думæйы транспорты комитеты уæнг Максим Сураев бахаста фæндон, бæлццон хæдтæхæгмæ йæ къухы цы хызын бахæссы, уый уæзæн иумæйаг домæнтæ сфидар кæнын. Ахæм информаци апарахат кодта Уæрæсейы информацион агентад. Авиацион уагæвæрдмæ гæсгæ бæлццæттæн бар ис къухы хæсгæ хызынтæ лæвар бахæссынæн. Фæлæ йæ уæз цас хъуамæ уа, уый бæлвырдгонд нæу. Алы авиакомпани дæр уыцы хæс райста йæхимæ æмæ йæ нымайы йæхи фæндонмæ гæсгæ. Уыдон та кæрæдзийы не `мбарынц æмæ сæ бон иу хъуыдымæ æрцæуын нæу. Афтæмæй бæлццæтты сæрызонд фæцæуын кодтой сæ домæнты раив-баивæй. Уый адæмы зæрдæмæ, кæй зæгъын æй хъæуы, нæ цæуы. Ног закъонмæ гæсгæ та, домæнтæ ивдзысты æрмæстдæр хæдтæхæджы хуызмæ гæсгæ. Къаддæр чи у, уыдонæн уыдзæн иу уаг. Фæлæ, зæгъæм, фурды сæрты чи тæха, уыдонæн та – бынтон æндæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv