Хъодзаты Æхсары ног чиныг «Нæ хуыздæртæ»

«Нæ хуыздæртæ», зæгъгæ, афтæ хуыйны фыссæг, поэт, Хъодзаты Æхсары ног чиныг. Абон ын уыд презентаци Национ-наукон чиныгдоны. Чиныг ныффыссыны хъуыды фæзынд фыццаг йæ чызг - Хъодзаты Иридæмæ. Йæ хæсыл банымадта Хетæгкаты Къостайы 160 азы юбилеймæ сцæттæ кæнын чиныг, стæй ма журнал «Мах Дуг»-ы 85- азмæ. Чиныджы рауагъдыл куыстой 3 мæйы. Кæд дзы ныртæккæ 200 экзепляр йеддæмæ нæ рацыд, уæддæр ма Хъодзаты Иридæ фæнд кæны, цæмæй чиныг ноджы апарахат уа. Чингуытæ лæвæрд æрцыдысты библиотекæтæн, ахуыргæнджытæн, æмæ ма сæ чи æрцагуры, уыдонæн дæр. Презентацимæ æрбамбырд сты авторы æмбæлттæ, хæстæджытæ æмæ пэты хорз чи зоны, уыдон. Ирон театры артист Дзанайты Эльбрус саив кодта равдыст Хетæгкаты Къостайы æмдзæвгæтæй. Презентаци бацæттæ кодта национ-наукон чиныгдоны директоры хæдивæг - Бибуаты Иринæ. Йæ фæны уыд, цæмæй кæстæр фæлтæр фылдæр чингуытæ кæса æмæ уый руаджы хъæздыгдæр кæна сæ миддуне. Уымæй уæлдай ма нын Къоста цы фæдзæхстытæ ныууагъта, уыдон æххæстгонд куыд цæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv