Цæгат Ирыстоны минæвæрттæ бацархайдзысты агропромышленнон равдыст «Золотая осень» ы

Цæгат Ирыстоны минæвæрттæ бацархайдзысты агропромышленнон равдыст «Золотая осень»-ы. Йæ нымæцмæ гæсгæ у 21-æм. Баст у хъæууон хæдзарады æмæ, æрмæгыл ногæй кæм бакусынц, уыцы промышленностты кусджытимæ. Мадзал сараздзысты Мæскуыæйы. Нæ республикæ дзы равдисдзæн бынæттон продукци. Равдысты сæйраг нысан у- инвесторты `ccарын. Уый тыххæй форумы уазджытæн бацæттæ кодтой алыхуызон проекттæ. Цæгатирыстойнаг минæвæрттæн разамынд дæтдзæн нæ республикæйы сæргълæууæг Битарты Вячеслав. Уыимæ ма Цæгат Ирыстоны æххæстбарджын минæвар Уæрæсейы президенты цур Дзанайты Барис йемæ, афтæмæй. Делегаци архайдзæн тымбыл стъолты рæстæг, конференциты æмæ секциты. Нæ республикæ ацы равдысты архайы алкæддæр. Хъæууон хæдзарады министр Уазиты Хъазыбеджы ныхæстæм гæсгæ «Регионы России и зарубежные страны», зæгъгæ, павильоны та фенæн уыдзæн информацион стенд. Равдисдзысты дзы республикæйы инвестицион æмæ экспортон хъомыс. Архайджытæн сæ бон суыдзæн базонын цавæр æнтыстджын проекттæ кусынц нæ республикæйы, уый тыххæй. Уæ зæрдыл уын æрлæууын кæндзыстæм, агропромышленнон равдыст цæуы нæ бæстæйы Хъæууон хæдзарады министрады хъæппæрисæй. Мадзал ацæудзæн 4-æй 13 октябры онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv