Нокауты арвыста

Цæгатирыстойнаг боксертæ архайдтой ахуырдзауты хсæн Æппæтдунеон гимназиадæйы. Не мзæххонтæ чемпионатæй сластой 5 майданы. Ерыстæ уыдысты Мароккойы. Ахæм стыр турниры нæ республикæйы спортсментæ сæ тыхтæ бавзæрстой фыццаг хатт. Æмæ зæгъын хъæуы æнтыстджынæй. Камерæйы раз ныфсæрмы вæййы, фæлæ рингыл уымæн уæвæн нæй. Хъайсынты Сæбинæйыл цæуы 15 азы. Боксæй та 3 азы архайы. Æрæджы фыццаг хатт йæ тыхтæ бафæлвæрдта дунеон чемпинаты. Цы йын бантыст уымæй зæрдæ райы. Гимназиадæйы программæмæ бокс фыццаг хатт бахастой. Фæлæ дзы ныридæгæн, республикæйы минæвæрттæ сæхи æнтыстджынæй равдыстой. Фондз майданы райстой; уыдонæй 2-сызгъæрины, 2-æвзисты æмæ иу бронзæ майдан. Æвзонг спортсменты ерыстæм бацæттæ кодтой 3 тренеры: Плиты Роберт, Джиоты Хъазыбег æмæ Козаты Таймураз. Уыдон сæ хъомылгæнинæгтыл фæтыхсынц, фæлæ сын æууæндынц. Таймураз куыд фæбæрæг кодта афтæмæй сæ æвзонг спортсментæ уæлахизтæм сты цæттæ. Фидарæй сæ уырны – сæ сæйраг ерыстæ нырма разæй сты. Афæдзæй-афæдзмæ хæрзиуджытæ фылдæр кæнынц. Æмæ æппæтадæмон гимназиадæ уымæн хорз æвдисæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv