Æдзухдæр кафгæйæ

Кафгæйæ æвдисынц сæ миддуне æмæ се*нкъарæнтæ. Абон Цæгат Ирыстоны паддзахадон университеты ансамбль «Ирыстон» йæ аивадуарзджытæн лæвар кæны сæрмагонд концерт.  Ансамбль сæвзæрд 1976 азы. Уыцы рæстæг уыд студентты аивадон хæдахуыр къорд, разамынд та йын лæвæрдта аивадон разамонæг Плиты Махарбег. Абон дæр та цæгат ирыстоны паддзахадон университеты галуанмæ бацæуæн нал уыд аивадуарзджытæй. Кафтæн ис йæхи взаг, æмæ йыл дзурын чи арæхсы, уыдонæн хæссы удæнцой. Афтæ дзырдтой нæ рагфыдæлтæ. 1976 азы Къостайы номыл университеты цы аивадон къорд сæвзæрд, уыцы æрыгон æмæ кафтуарзаг фæсивæдæн байгом фидæнмæ уæрæх фæндаг. Йæ бындурæвæрæг Плиты Махарбеджы ном зонынц канд нæ республикæйы нæ, фæлæ ма фæсарæйнаг бæстæты. 42 азы дæргъы йæ уарзон ансамбль «Ирыстон»-имæ фæлтæрдджын фæсивæдимæ басгæрста зæххы къорийы бæстæтæ. Æхсызгон ын у алкæддæр сыл къухæмдзæгъдæй кæй сæмбæлынц, уый. Ансамбль у æцæг бинонты хуызæн. Сæ ахастдзинæдтæ хъарм æмæ хъæлдзæг. Махарбег кæд фæлмæнзæрдæ адæймаг у, уæддæр аивадон разамонæджы миниуджытæ нæ сæфы. Уый ты уый нысан у æмæ алкæддæр сты иугонд. Иу хъуыдытимæ, иу уынаффæтимæ. Æрыгон лæппутæ æмæ чызджытæ репетицитæ цух нæ кæнынц. Зæринæ кафы 1 -аг курсæй ерынмæ. Рагæй дары йæ зæрдæ кафджытæм. Æрхъуыды кæны, удуæлдай куысты тыххæй йæ ахуыры бæрæггæнæнтæ рæстæгмæ куыд февзæр сты. Фæлæ бабыхста æмæ йæ уавæр сраст и. Уарзы кафт æмæ йæ уырны, ирон адæмон-сценикон кафты традицитæ Ирыстоны фæсивæд æнусмæ кæй фæхæсдзысты, уый. Магкæты Хъазыбег куы фæкафы, уæд æм уæларвон тых фæзыны. Йæ сабибонтæй хъуыды кæны, йæ бабаимæ номдзыд ансамбль «Алан»-мæ цымыдисæй куыд кастис, уый. Ныр йæхæдæг гуырвидауцæй кафгæйæ тæхы. Концертон программæ у цымыдисаг, фæхъæздыг ног хореографион уацмыстæй. Ныр залы къахбавæрæн дæр нæй. Ансамблы курдиат фенынмæ æрбацыдысты бирæ адæм. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv