Гимназ «Диалог» рауагъта слестгæнæн комитеты фыццаг кадетон кълас. Аттестаттæ райстой 20 лæппу æмæ чызджы. Кълас у, ахуыргæнджытæ æмæ ныййарджытæ сæрыстыр кæмæй сты, ахæм. Кæстæр скъоладзаутæн та - дæнцæг. Фæсивæд дыууæ азы дæргъы зонгӕ кодтой æфсæддон æмæ тактикон цæттæдзинады æууæлтимӕ. Архайдтой, æфсæддон-патриотон здæхт кæмæн ис, ахæм мадзæлтты, æркастыты, хъæзтыты æмæ ерысты. Сæ дæсныйадимæ сæ зонгæ кодтой слестгæнæн комитеты специалисттæ.