Ирон академион театры артисттæ абалц кодтой Октябрьскæйы 1 æм скъоламæ

Цæгат Ирыстоны Тæбæхсæуты Балойы номыл Ирон академион театры артисттæ дарддæр æххæст кæнынц сæ цымыдисаг хъуыды. Сæ спектаклтæ æвдисынц нæ республикæйы районты дæр. Уæ зæрдыл ма уын æй лæууын кæндзыстæм, ацы фæндон нæ республикæйы сæргълæууæг Битарты Вячеславмæ кæй фæзындис, уый. Ныр та Ирон театры актертæ сæ фæндаг акодтой Горæтгæрон районмæ. Октябрьскæйы 1-æм скъолайы ахуырдзаутæн уæлдай æхсызгон уыдис ацы фембæлд. Цæгат Ирыстоны академион театры артисттæ та сæ фæндаг акодтой нæ республикæйы хъæутæм. Ацы хатт уыдысты Октябрьскæйы хъæуы 1-æм скъолайы. Скъоладзаутæн равдыстой цымыдисаг музыкалон-литературон композици «Къоста æмæ Гаппо». Ацы композици бацæттæ кодтой Хетæгкаты Къостайы 160 азы райгуырды бонмæ. Рамонаты Ритæ нын куыд бамбарын кодта, афтæмæй уыдон алы равдыстмæ дæр сæхи бæстонæй бацæтттæ кæнынц. Ахæм равдыстытæ арæзт цæуынц нæ Республикæйы хицауады курдиатмæ гæсгæ. Сæ сæйраг нысан у - ирон литературæ æмæ мадæлон æвзаг уæлдæр æмвæзадмæ сисын, стæй ма уыимæ Къостайы æнæмæлгæ сфæлдыстад скъоладзаутæн сæрмагонд хуызы амонын. Уый стыр ахъаз у рæзгæ фæлтæрæн, хъуыды кæны Октябрькæйы 1-æм скъолайы директоры хæдивæг. Тæбæхсæуты Балойы номыл Ирон академион театры артистты ныхæстæм гæсгæ, ацы равдыст тынг ахъаз у кæстæртæн. Дæтты сын фадат, цæмæй хуыздæр базоной ирон адæмы раздзоджы тыххæй бæлвырддæр. Ирон театр ацы музыкалон композицийыл чысыл рæстæг нæ бахардз кодта. Рамонты Ритæ йыл йæхæдæг дæр бæстонæй фæкуыста. Ссардтой бирæ цымыдисаг факттæ æмæ, ныры онг адæм кæй нæ зыдтой, уыцы историон хабæрттæ. Абоны онг театры курдиатджын фæсивæд уыдысты нæ республикæйы фылдæр хъæуты. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv