Æнцонвадат цардыархайды программæ

Нæ республикæйы цæрджытæн фадат ис горæтты æмæ муниципалитетты аивдзинадыл бакусынæн. Æххæстгонд цæуы проект «Æнцонвадат цардыархайд». Куыд хуыздæр йæ саразæн ис, ууыл æрдзырдтой Тускъаты Таймуразы разамындæй цы æмбырд арæзт æрцыд, уым. Фембæлды архайджытæ куыд фæнысан кодтой, афтæмæй фарон проекты фæлгæты нæ регионæн радих кодтой 150 милуан сомы. Сцалцæг дзы кодтой 44 бирæуæладзыгон хæдзæртты кæртытæ æмæ базылдысты паркмæ. Уыцы проектмæ гæсгæ ма саив кодтой фысымуат «Дзæуджыхъæу»-ы алыварс фæзуат æмæ Мæздæджы, Дубининты фсымæрты номыл парк. Ацы аз та цалцæггæнæн куыстыты агъоммæ цæрджытæн сараздзысты æрфарст. Æмæ сбæрæг кæндзысты цавæр бынæттæ сын сты уарзондæр æмæ ахсджиагдæр, уый. Стæй сæ кæцы бынæттæм фæндид базилын. Адæмы фæндон базонгæйæ æмæ йæ хынцгæйæ, базилдзысты фæлладуадзæн бынæттæм. Куыстытæ цæудзысты æнæкъуылымпыйæ æмæ йæ мгъуыдмæ гæсгæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv