Уæрæсейы 7 регионы сараздзысты Беслæны терракты амæттæгты кадæн равдыст

Беслæны терракты амæттæгты кадæн ма Уæрæсейы 7 регионы сараздзысты равдыстытæ. Уый сæрмагонд проекты фæлгæты. «Помнить, чтобы жить», зæгъгæ. Равдыстытæ бацæттæ кæндзысты президенты гранты фæрæзтæй. Равдисдзысты дзы 2004 азы, 1-æй- 3-æм сентябрьмæ Беслæны скъолайы тугкалæн цауты æвдисæг къамтæ. 100-йæ фылдæр. Равдыстытæ сараздзысты Дзæуджыхъæуы æмæ республикæйы районты. Стæй ма Кæсæг-Балхъары, Дагестаны, Хъæрæсе-Черкессийы, Волгоград, Мæскуы æмæ Санкт-Петербурджы. Проекты фæлгæты ма фæнд кæнынц уыцы æвирхъау цауты тыххæй ноджы бæлвырд информаци ссарын. Документтæ стæй апарахат кæндзысты «Матери Баслана» комитеты официалон сайты. Пъланмæ гæсгæ, сараздзысты тымбыл стъолтæ æмæ лекцитæ. Проект райста грант 2 милуаны æмæ 800 мин сомæн. Йæ разамонæг у комитеты æмсæрдар Гæдиаты Анетæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv