Мæздæджы йе `нæниздзинад цудыд кæмæн у, уыцы спортсментæн фæзынд стъолы теннисæй хъазынæн фадæттæ

Йе `нæниздзинад хъыгдæрд кæмæн у, уыцы теннисисттæн Мæздæджы фæзынд фадæттæ тренировкæтæ кæнынæн. Хъуыддаг къухы бафтыд регионы разамонæг Сергей Меняйлойы руаджы. Сæрмагонд стъол самал кæнын бахæс кодта, комкоммæ эфиры рæстæг æм курдиат куы æрбцыд, уæд. Афæдзмæ теннис райдыдта ахсджиаг бынат ахсын. Виктор Лагода иу тренировкæ дæр нæ цух кæны. Арæх ерыстæм кæй цæуы, уый фæрцы спортсмен йе 'мвæзад уæлдæр кæны. Афæдз дыууæ хатты Виктор Лагода фæархайы æппæтуæрæсеон ерысты. Хæрз æрæджы ссыд Санкт-Петербургæй. Хорз бæрæггæнæнтæ æвдисын æмæ республикæйы кад уæлдæр кæнынæн хъæуы дысвæлдæхтæй кусын. Уый тыххæй Викторы къуыри æртæ хатты хъуыд Дзæуджыхъæумæ цæуын. Мæздæджы тренировкæтæ кæнынæн фадæттæ ныронг нæ уыд. Ныхас цæуы, йе 'нæниздзинад кæмæн фæцудыдта, уыцы спортсментыл. Ахуыртæн бынат ссардтой. Виктор йæ курдиат бахаста республикæйы сæргълæууæгмæ комкоммæ бастдзинады рæстæг. Регионы разамонæг æй фехъуыста æмæ баххуыс кодта. Йæ уынаффæмæ гæсгæ 1-æм спортивон скъолайы рахицæн кодтой сæрмагонд бынат пандустимæ. Бынæттон бюджеты хардзæй та самал кодтой теннисæй хъазынæн стъол. Съолыл хъазгæ теннисæй йæхи чи фæлвары, ахæмтæ Мæздæджы чысыл не сты. Йе 'нæниздзинад хъыгдæрд кæмæн у, уыцы спортментæн та, æнæмæнг, хъæуы æххуыс кæнын. Æнæ уымæй æнтыстдзинæдтæ къухы не 'фтдзæн. Брытъиаты Феликс _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv