Дзанайты Барис амыдта социалон-экономикон райрæзты мадзæлтты фæдыл æмбырд. Ныхас цыд, бæстæйы хицауад цы документ сфидар кодта, уый куыд æххæст кæнынц, ууыл. Уæ зæрдыл уын æрлæууын кæндзыстæм, документмæ гæсгæ кæй цæуы, социалон ахадындзинад кæмæн ис, ахæм къабæзты объектты арæзтад æмæ цалцæг. Зæгъæм, æнæниздзинад хъахъхъæнынад, ахуырад, культурæ, спорт, цæрæнуатон-коммуналон хæдзарад, фæндæгтæ æмæ æндæртæ. Ныртæккæ республикæйы уыцы хыгъды ис 112 пункты.