Куысты хадзæгтæ

Тæрхондоны пъырыстъыфтæ бахыгъдтой сæ куысты хатдзæгтæ. Сæ къухы цы бафтыд, уый тыххæй пъырыстыфты службæйы разамонæг Гæцойты Светланæ радзырдта хицауады, барадхъахъхъæнджытæн æмæ æхсæнадон уæнгтæн. Ныридæгæн ахсджиаг фарста у бирæтæ закъонмæ гæсгæ кæй нæ кусынц æмæ æмбæлгæ фиддонтæ афоныл кæй нæ фидынц, уый. Пъырыстыфты цæгатирыстойнаг управлениййы хатдзæгтæм гæсгæ, республикæйы бюджеты æфтиæгтæ фæфылдæр сты 186 милуан сомы. Тæрхондоны пъырыстъыфтæ ма бакуыстой æнæ бардæттæг гæххæттытæй арæзт бæстыхæйттыл. Куыд ма бафиппайдтой, афтæмæй 2017 азы управленийы кусджытæ сæ размæ цы нысанттæ æвæрттой, уыдон сæххæст кодтой. Фæлæ ма ис бакусинаг хъуыддæгтæ. Æмбырды уыд æхсызгондзинад дæр. Ведомствæйы хуыздæр кусджыты схорзæхджын кодтой кадджын æвдисæндартæй æмæ грамотæтæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv