Аэропорты ног гæнæнтæ

Æппæтадæмон аэропорт «Дзæуджыхъæу»-ы райрæзты куыст йæ тæмæны бацыд. Уый йæхи цæстытæй абон федта транспорт æмæ промышленносты министр Хайдарбек Бутов. Кусæг балцы рæстæг фембæлд аэропорты ног директор Сергей чАловимæ. Йæ куысты бартæ нырма афæдзы `рдæг æххæст кæны. Фæлæ йын ныридæгæн хорз хъуыддæгтæ саразын бантыст. Фидæны рæстæгмæ æвæрынц ахæм хæс, цæмæй бæлццæтты æдасдзинад уа хуыздæр æмвæзадыл. Аэропорты ма банывыл кодтой зынгсирвæзтыты ныхмæ системæйы æмæ кондиционерты куыст. Сцалцæг кодтой мады æмæ сывæллоны агъуыст. Баластой йæм æппæт хъæугæ дзаумæттæ. Директоры ныхæстæм гæсгæ ма, сарæзтой æппæт фадæттæ, йе `нæниздзинад хъыгдард кæмæн у, уыцы адæмæн. Бакуыстой программæ æнцонвадаты царды архайдыл дæр. Фыццаградон проекттæн уал сæххæст кодтой се 80 проценты. Аэропорт «Дзæуджыхъæу»-ы генералон директор Сергей Чалов: «Ныртæккæ мах æлхæнæм бирæ техникæ, цæмæй цæуыны уавæртæ фæхуыздæр кæнæм. Зæгъæм, бæлцæттæн лæггад кæм кæндзысты, уыцы комплекс. Балхæдтам æфснайæн техникæ, автобустæ, цæмæй зымæг бæлцæттæн уа æппæт уавæртæ. 25-æм октябрæй фæстæмæ нæм тæхын райдайдзысты авиакомпани «Аэрофлот»-ы хæдтæхджытæ. Йæ æрвылбоны маршрут уыдзæн Шереметьевомæ. Уый, мæнмæ гæсгæ, тынг хорз у. Фидæны пълæнтты ис авиамаршруттæ фæфылдæр кæнын. Иртæстытæ куыд равдыстой, афтæмæй æппæты фылдæр адæм цæуынц Ростов, Сочи, Сургут, Новосибирск и Краснодармæ. Специалистты хъуыдымæ гæсгæ комкоммæ рейсытæ сфæстауæрц кæндзысты рæстæг, стæй адæмы фæрæзтæ. Ног проект царды рауаддзысты цалдæр мæйы фæстæ. Арæзт у 2 азмæ. Алцæмæ дæр йæ хъус дары промышленность æмæ транспорты министр Хайдарбек Бутов. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv