Бюджетон куыстуæттæ электрон тых æмæ газæн фиддонтæ баххæст кодтой 100%

Цæгат Ирыстоны бюджетон куыстуæттæ 2019 азы электрон тых æмæ газæн фиддонтæ сэ 100% баххæст кодтой. Уый тыххæй сæрмагонд æмбырды фехъусын кодта «Цæгаткавказэнерго»-йы разамонæг Быгъуылты Сослан. Фембæлдæн разамынд лæвæртта республикæйы сæргълæууæг Битарты Вячеслав. Афтæмæй, бынæттон бюджетæй пайдагæнджытæ: Дзæуджыхъæу, Æрыдоны, Дыгуры, Æрæфы æмæ Кировы районтæ пълан бæстонæй æххæст кæнынц. Иу чысыл фæстейы зайынц Горæтгæрон æмæ Алагиры районтæ. Бынæттон фæлхасгæнджыты фиддонты бæрц схызт 105% -æй фылдæрмæ. Æмткæй райсгæйæ, бюджетон куыстуæтты хæстæ 2019 азы фæкъаддæр сты 12 милуан сомы бæрц. 2018-æм азы сæ нымæц уыд 52 милуан сомы. 2019-æм азы кæрон та 40 милуаны. Ахæм уавæр ис газы лæггæдтæн дæр. Бюджетон пайдагæнджытæ пълан бæстонæй æххæст кæнынц. Хæс фæкъаддæр 10 милуан сомы бæрц. Афтæмæй 112 -æй æрхауд 92 милуан соммæ. Фиддонтæ хуыздæр æххæст кæнын кæй райдыдтой, уый æвдисæн у, респубикæйы хицауад ацы хъуыддагмæ йе `ргом кæй раздæхта. Цæрæнуæтты коммуналон хæдзарады куыстуæтты фиддонты уавæр фæхуыздæр кæнынмæ, республикæйы хицауады сæрдар Тускъаты Таймураз къуыри иу хатт æмбырд саразы профилон къабазы минæвæрттимæ. Уыимæ ма хæсты бæрц фæкъаддæр кæныны фарстамæ æппынæдзух йе `ргом здахы республикæйы сæргълæууæг Битарты Вячеслав. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv