Уæрæсейы хицауады сæрдар уынаффæ кодта фæллой кæныны тыххæй

Ацы бонты та ногæй дзырддаг сси къуырийы 4 кусæн боны сфидар кæныны хъуыды. Уый тыххæй Дмитрий Медведев ныхас кодта уæрæсейаг телеканалтæй иуы комкоммæ эфиры. Дзырды сæр уыд - фæллой кæныны фарстатæ закъоны бындурыл сæвæрын. Дмитрий Медведев та ногæй фæнысан кодта, уыцы ивддзинад куысты мыздыл кæй нæ фæбæрæг уыдзæн, уый. Уый нæ, фæлæ ма, дам, хъуамæ ноджы бæрзонддæр кæна. Афтæмæй, Хицауады сæрдары хъуыдымæ гæсгæ, кæцыдæр дæсныйæдтæн къуырийы 4 кусгæ боны скæнæн ис раст райсом дæр. Ома, дам, уыцы ног системæйыл кæронмæ бакусынæн бирæ нал хъæуы. У ахсджиаг хъуыддаг, фæллойадон кодекс сног кæныны охыл куы дзурæм, уæд. Æнæмæнг æм цы ивддизæндтæ хъуамæ бахæссой, уыдоны фæрцы адæймагæн фадат уа æвзарын куыд, кæд æмæ цы хуызы фæллой кæна, уый. Ацы фарста дзырддаг кæй у, уымæ гæсгæ Дмитрий Медведев сараздзæн сæрмагонд æмбырд. Архайдзысты дзы куысты хицæуттæ æмæ профцæдисты уæнгтæ. Афтæмæй, хъуамæ иу хъуыдымæ æрцæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv