«Цæгаткавказэнерго» аразы рейдтæ

«Цæгаткавказэнерго» нæ республикæйы бирæфатерон хæдзæртты сарæзта иртасæн куыстытæ. Сæ нысан у, бирæфатерон хæдзæртты иумæйаг хæрдзтæ электрон тыхæй сбæрæг кæнын. Иумæйаг нымайæнтæ æвæрд сты республикæйы бирæуæладзыгон хæдзæртты се ‘ппæты дæр. Бæрæг кæнынц, хæдзар электрон тых цас хардз кæны, уый. Специалисттæ уавæр сбæрæг кæндзысты Алагиры, Æрыдоны æмæ Кировы районты. Хæдзæрттыл зилдзæн æртæ кусæг къорды. Архайдзысты электрон тых æнæ нымадæй чи хардз кæны, уыцы адæмы сбæрæг кæныныл. Дзырдæн зæгъæм, цæрджытæ хаттæй-хатт саразынц алыхуызон схемæтæ, цæмæй электрон тых нымайæны нысангонд ма цæуа, уый тыххæй. Ахæмты «Цæгаткавказэнерго»-йы кусджытæ куы рабæрæг кæной, уæд сыл скæндзысты акттæ. Афтæмæй уыдон æфхæрд баййафдзысты. Иуæй-иу хæдзæртты нымайæнтæ та ма дзуапп нæ дæттынц нырыккон домæнтæн, нал кусынц, æмæ сæ хъæуы баивын. Бафтаудзыстæм ма уый, æмæ ныридæгæн специалисттæ раиртæстой 100 ахæм абонентæй фылдæры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv