Цæгат Ирыстоны бархионтæ дæр бацархайдтой акци «Мы вместе»-йы

Коронавирусы инфекцийы ныхмæ дохтыртæ тох ныр кæнынц дыккæгæм аз. Сæ куыст фæрог кæнынмæ кæддæриддæр цæттæ сты бархионтæ. Уыцы æххуыс вæййы алыхуызон. Афтæмæй, зæгъæм, абон Уæрæсейы ацыд акци «Маленькие радости для врачей», зæгъгæ. Коронавирусы инфекциимæ чи тох кæны, уыцы дохтыртæн абон сæ зæрдæтæ уарзондæр адджинæгтæй чысыл барухс кæныныл бацархайдтой акци «Мы вместе»-йы бархионтæ. Æппæтуæрæсеон акцийы фæлгæты активисттæ бабæрæг кодтой республикæйы æппæт госпитальтæ дæр. Мадзалы архайынц республикæйы æппæт бархион организацитæ дæр. Уыдон фæрсæй-фæрстӕм лæууынц медиктимæ пандемийæйы райдианæй нырмæ. Ахӕм хуызы активистты фæнды равдисын сӕ ахаст æмæ бузныг зæгъын, зын рæстæг сырх зонӕйы чи кусы, уыцы дохтыртӕн. Фæсивæдæн бузныг загътой дохтыртæ. Куыд зæгъынц, афтæмæй сын æхсызгон у, ахæм æргом здæхт сæм кæй цæуы, уый. Медицинон кусджытæ фæнысан кодтой, бархионты æххуыс сын абон ахсджиаг кæй у, уый. Сӕ руаджы низимæ тох кæнын у зынгæ æнцондæр. Активисттæ æххуыс кæнынц ковидимæ рынчынтæн хайæдтæ банывыл кæнынæй. Туаггуыры баллонтæ исынц, хостæ æмæ хойрæгтæ ласынц. Эпидемиолон уавæр республикæйы нæ хуыздæр кæны. Уымæ гæсгæ, акци «Мы вместе»-йы цæгатирыстойнаг бархионты æхсæнад ныр ӕнӕзивӕгдӕрӕй архайынц. Сæ рæнхъы балæууын у алкæй бон дæр. Уый тыххæй хъæуы æрмæст сайт dobro.ru хи бафыссын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv