Студенттæн фидæны дæсныйад равзарынæн баххуыс кæныны фарстатыл æрдзырдтой хицауады æмбырды

Паддзахадæн ахсджиагдæр цы дæсныйæдтæ сты, æмæ уыцы дæсныйад райсынæн фидæны студенттæн баххуыс кæнын кæй хъæуы, уыцы фарстатыл ныхас кодтой бæрнон кусджытæ. Æмбырд амыдта республикæйы хицауады сæрдары хæдивæг Тугъанты Ларисæ. Къамисы уæнгтæ рахастой уынаффæ Цæгат Ирыстонæн ахсджиагдæр дæсныйæдты номхыгъд снысан кæнын 2022-æм азмæ. Абитуриенттæн бар уыдзæн равзарын Уæрæсейы хицауад цы дæсныйæдтæ снысан кæна, уыдонæй. Æмбырды ма Тугъанты Ларисæ куыд фæнысан кодта, афтæмæй дæсныйад исгæйæ фыццаджыдæр паддзахадон æххуыс райсдзысты Дзæуджыхъæуы медицинон колледжы æмæ Цæгат Ирыстоны медицинон академийы студенттæ. Уымæн æмæ уыдон стыр æххуыс бакодтой дохтыртæн пандемийæйы уавæрты архайгæйæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv