Уæрæсейы фæлхасгæнджытæм цæстдарды управлени æмæ транспорты министрад бæрæг кæнынц такситы куыст

Уæрæсейы фæлхасгæнджытæм цæстдарды управлени æмæ транспорты министрады кусджытæ бæрæг кæнынц такситы куыст. Коронавирусы рæстæг ацы хъуыддаг уæлдай ахсджиаг у. Специалисттæ куыд бафиппайдтой, афтæмæй низ кæд фæкъаддæр, уæддæр хъæуы хи бахъахъхъæнын.  Фирмæ «Такси Онлайн», зæгъгæ, ныр 5 азы дæргъы лæггад кæны адæмæн. Æвзæр эпидемиологон уавæр кæй хæссы нæ республикæйы, уымæ гæсгæ ныр цыппар мæйы æххæст кæнынц æппæт санитарон домæнтæ дæр. Куыстуаты нын куыд радзырдтой, афтæмæй ахсджиагдæр у адæмы æнæниздзинад. Багаты Малхадз ацы таксийы фирмæйы рагæй кусы. Йæ куысты алы фæзилæн дæр хорз зоны. Райсомæй изæрмæ вæййы адæмимæ. Уый та йыл æвæры бæрнон хæс, цæмæй йæхи дæр æмæ адæмы дæр бахъахъхъæна. Такситы куыст коронавирусы рæстæг бæрæг кæнынц Уæрæсейы фæлхасгæнджытæм цæстдарды управленийы кусджытæ, промышленность æмæ транспорты министрады минæвæрттимæ иумæ. Бæрнон адæймæгтæ сæ цæст дарынц, æппæты фыццаг, шофыртæм, цæмæй сæм уа медицинон маскæтæ æмæ антисептиктæ. Бæрнон кусджытæ куыд бафиппайдтой, афтæмæй, ныртæккæ кæд низ фæкъаддæр, уæддæр ахсджиаг у санитарон-эпидемиологон домæнтæ æххæст кæнын. ________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv