Фæндаггон змæлды æдасдзинады паддзахадон инспекцийы кусджытæ сарæзтой профилактикон фембæлд æртыккæг

Фæндаггон змæлды æдасдзинады паддзахадон инспекцийы кусджытæ сарæзтой профилактикон фембæлд æртыккæгæм скъолайы. Специалисттæ бæстонæй радзырдтой сывæллæттæн фæндаггон змæлды фæткы тыххæй. Сæ зæрдыл сын уæлдай хатт æрлæууын кодтой, фæндаджы сæрты хизгæйæ дзæбæх акæсын кӕй фæхъæуы дыууæрдæм дæр, наушниктæ раппарын, капюшон раласын. Скъоладзаутæн ма бамбарын кодтой, электросамокаттыл домæнтæм гæсгæ раст куыд цæуын хъæуы. Мадзалы кæрон сывæллæттæн байуæрстой, фæндаггон змæлды æдасдзинады тыххæй æнцонæмбарæн ныхæстæй фыст кæм ис, ахæм газеттæ.