Цæгат Ирыстоны цæуы æппæтуæрæсеон конкурс «Военный дознаватель»-ы регионалон къæпхæн

Цæлхдурты сæрты ахизын, стæй фыдракæны æвдисæнтæ ссарын. Ахæм хæс æвæрд ис æфсæддон ерыс «Лучший дознаватель Вооружённых Сил России»-йы архайджыты размæ. Конкурсы практикон хай ацыд хæххон уавæртæм хæстæг. Офицертæ равдыстой канд профессионалон зонындзинæдтæ нæ, фæлæ ма сæ спортивон цæттæдзинад æмæ хæцæнгарзимæ куыд архайынц, уый дæр. Æфсæддон пъæлицæйæгтæ цæстыфæныкъуылдмæ ныхмæллæууæджы ныббырст баурæдтой. Хæцæнгарзæй пайда кæнгæйæ знагæн аккаг ныхкъуырд радтой. Æрымысгæ цаумæ гæсгæ ахуыртæ ацыдысты хæххон уавæрты. Цалдæр диверсанты ма куы баззад, уæд æфсæддонтæ бацыдысты къуххæсты тохы. Ахæм хуызы службæгæнджытæ сæхи цæттæ кæнынц «Лучший дознаватель» æппæтуæрæсеон конкурсы бацархайынмæ. Алы архайæджы ацæуын хъæуы цæлхдуртимæ фæндаг: «траншея», «воронки», «тоннель». Уыцы рæстæг акъоппæй æхсы знаджы рæстдзæвин. Кæй зæгъын æй хъæуы, æнæифтыгъд гилдзытæй. Иуварсæй кæсгæйæ, адæймаджы бауырндзæн тохы æцæгдзинад. Уый руаджы сбæлвырд кæнæн ис æфсæддонты арæхстдзинад æмæ психологон цæттæдзинад. Дарддæр, цаумæ гæсгæ, æфсæддонтæй иу фæцæф. Хъæуы йын фыццаг æххуыс бакæнын – йæ цæфтæ бабæттын, цæмæй йæ туг ма фæцæуа. Фæстиат кæнæн нæй иу уысм дæр. Афтæмæй æфсæддонтæн уæддæр бантыст знаджы ныццæгъдын. Хæстон цауты рæстæг бæлвырдгæнæг офицер кæны криминалисты куыст дæр – сгары бынат, агуры нæмгуытæ. Дарддæр æфсæддонты равдисын хъæуы сæ рæстдзæвиндзинад. Æхсынц автоматтæ æмæ дамбацатæй. Нысантæ акъуырын хуымæтæджы хъуыддаг нæу. Уæлдайдæр цæлхдурты фæндаджы фæстæ адæймагмæ уыйас нал вæййы. Ахуырты фæрцы батальонты къæмандыгæнджыты фæлтæрддзинад фæуæлдæр уыдзæн. Алы архайæгмæ дæр ис йæхи фæлтæрддзинад. Конкурсы регионалон къæпхæн се ппæтæн дæр у зонгæ. Се хæсн уæлахиздзаутæ, призертæ, уыимæ сæрмагонд операциты архайджытæ. Ерысты хатдзæгтæ сбæрæг уыдзысты райсом. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv