Хæстимæ хæст I Бæрцытæ

Адæм хæсты бын фесты æмæ уыцы фæзындæй бирæтæн сæхиуыл схæцын сæ бон нал у. Уый скодтам нæ радон программæ «Бæрцытæ»-йы дзуринаг. Республикæйы цæрджытæ сæ хорз цардæй нæ бакъул кæнынц сæхи банктæ æмæ микрофинансон организацитæм, афтæ ма суанг хæлæрттæ æмæ хиуæттæм дæр. Уымæн æмæ ирон æхсæнады æнæ `фстау райсгæйæ цæрæн нæй. Фæлæ æхцайæ хæсимæ тох зын у. Адæймаджы зæрдæ куыд батавы йæ райсыны бон, уыйас ын æй бамæгуыр кæны йæ фидыны хъуыдыйæ. Уый - иу хъуыддаг. Иннæ та у æууæнк. Бирæ ис ахæмтæ, æмæ йæ хæларыл, кæнæ йæ хионыл чи баууæндыд. Райста йын хæс, уый дзы йæ хъуыддæгтæ сарæзта æмæ… æрбайсæфт. Нал дæр æхца, нал дæр хæлар-хион. Студимæ ма нæм æрбацыдысты, кæй асайдтой, ахæм адæймæгтæ дæр. 00:00:00 – Программæйы сæр. 00:01:59 – РЦИ-Аланийы адæмон артист Дудиаты Олег сайды куыд фæци, уый тыххæй. 00:11:21 – Цæгæраты Руслан банктæ, æхсæнад æмæ хицæн адæймæгты ахастыты тыххæй, се `хсæн æхцайæ хæстæ куы фæзыны, уæд. 00:14:28 – Дзæуджыхъæуы цæрджытæ дзурынц, кредиттæ куыд арæх исынц, кæнæ æппындæр кæй нæ исынц, уый тыххæй. 00:17:47 – Юрист Коккаты Мараты цæстæнгас, адæм хæстæ банкæй арæх кæй исынц, уымæ. 00:19:38 – Хæс чи дæтты, уый зæрдæ хорздзинад зæгъы, хæс чи исы, уымæн? Экономисты хъуыдытæ уый фæдыл. 00:22:05 – Хæстæ «разæнгардæй» исыны психологон бындуры тыххæй дзуры Дауыраты Аланæ. 00:24:59 – УФ-йы цæрджытæ хæстæ тынгдæр цæмæн исынц? Нæ раиртæсты хатдзæгтæ. 00:26:12 – Хæсæй чындзæхсæв: цæстмæ митæ æви æнæмæнг хъуыддаг? 00:27:55 – Ипотекæ æмæ йæ хорздзинæдтæ. Моргуаты Ларисæ дзуры йæ фæлтæрддзинады тыххæй. 00:36:07 – Æууæнк æмæ хæс. Кæрæдзиимæ фидауынц æви нæ? Нæ уазджытæн сæхи цардæй ист дæнцæджытæ. 00:41:47 – Банкæй (кæнæ микрофинансон организацийæ) хæс исын цæй нысан у? Нæ 2-аг раиртæсты хатдзæгтæ социалон хызты бæрæггæнæнтæм гæсгæ. 00:44:49 – Йæхиуыл схæцын йæ бон кæмæн нал у йæ хæстæй, ахæм уазæг нæ студийы. (Хъæлæс у ивд). 00:54:52 – Экономикон æгъдауæй тыхджын паддзахæдты цæрджытæ æфстæуттæ æмæ хæстæ арæхдæр исынц. Цæмæн? Специалисты хъуыды. 00:57:20 – Ирон æгъдау æнæ хæстæй абоны дуджы æххæстгæнæн ис æви нæ? 01:02:28 – Куыд ис ипотекæ амал æмæ гæнæнæй тагъддæр бафидæн? 01:09:29 – «Тæхуды, æхца мын исчи куы авæрид...» Йæхæдæг кæм бахауд, ахæм цау радзырдта Моргуаты Ларисæ. 01:13:00 – Куыд фендæрхуызон вæййы, сайд кæуыл æрцыд, уыцы адæймаг? Дудиаты Олег æй зоны. 01:16:33 – Бæрнон адæмæн сæ бон цæмæй у баххуыс кæнын, цæмæй республикæйы цæрджытæ хæсты бын ма кæной сæхи. 01:18:33 – Кæронбæттæн хатдзæгтæ программæйы уазджытæ æмæ телекомпанийы сфæлдыстадон къордæй.