Мызуры бантыст афтекы куыст сног кæнын

Хостимӕ зындзинæдтæ ӕййæфтой Алагиры районы дæрддзæф хъæуты цæрджытæ. Сæрды дæр ма хъæугæ хостæ балхæнæн уыд ӕрмӕст районы центры. Дард цæуын алкæмæн йæ уавæр нæ амыдта. Икъаты Тамарæмæ ныр цалдæр азы дæргъы ис сæкæрниз. Æнæмæнг процедурæтæ æмæ хъæугæ хостæ самал кæнынæн æй æрвыл бон дæр хъæуы Мызуры поликлиникæмæ цæуын. Фæлæ поликлиникæйы цы иунæг афтек уыд, уый сæрды æрцыд æхгæд. Хæххон хъæуты цæрджыты та хостæ самал кæнынмæ хъуыд Алагирмæ цæуын. Дæсгай километртæ абалц кæнын та алкæмæн фадат нæй. Цæрджыты курдиатмæ гæсгæ афтекы куыст сног кæнын бантыст. Елойты Ларисæ у провизор. Сылгоймагæн хорз зонгæ сты цæрджыты низтæ æмæ сæ арæхдæр цы хостæ фæхъæуы, уый. Дыууæ мæйы дæргъы зындзинæдтæ æййæфтой, фӕлӕ уал ныртӕккӕ гом афтек æххæстгонд у тӕккӕ хъӕугӕдӕр хостæй. Мызуры цæрджытæ тыхсынц, æнæ афтекæй та кæй баззайдзысты, ууыл. Фæлæ сын бынæттон поликлиникӕйы администрацийы ныфс бавæрдтой, ныртӕккӕ афтеккы æмбæлгӕ куыстӕн ис хъæугæ гæххæтытæ, зӕгъгӕ. Уыимæ ма, тагъд рæстæджы ног афтектæ хъуамæ фæзыной цалдæр дæрддзæф хъæуы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv