Бастдзинæдтæ банывал кæнын

Нæ республикæйы сæргълæууæг Битарты Вячеслав уазæгуаты æрхуыдта медицинон наукæты доктор, профессор, нейрохируг Альберт Суфиановы. Æппæт дунейыл хъуыстгонд нейрохирург йæ фæлтæрддзинадимæ зонгæ кæндзæн Цæгат Ирыстоны специалистты. Йæ балцы рæстæг медицинон академийы студенттæн бакæсдзæн лекцитæ. Фембæлдзæн Цæгат Кавказы бирæвæрсыг медицинон центр æмæ Республикон клиникон рынчындоны кусджытимæ. Альберт Суфианов ма у Тюмены Нейрохирургийы Федералон центры разамонæг. Зæрдæ бавæрдта республикæйы медицинон уагдæтты студентты центрмæ ахуыр кæнынмæ хонынæй. Уый Битарты Вячеславы зæрдæмæ фæцыд. Йæ хъуыдымæ гæстæ, хорз ахъаз у нæ республикæйы медицинон лæггæдты хæрзхъæддзинад фæхуыздæр кæнынæн. Уыимæ Цæгат Ирыстонæн йæ бон суыдзæн бюджетон фæрæзты фæрцы студентты ахуыр кæнынмæ æндæр регионтæм æрвитын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv