Йæ цардæй ахицæн Музыкалон театры режиссер Цæлыккаты Земфирæ

Æнкъард хабар. Базыдтам æй ныртæккæ. Йæ цардæй ахицæн Музыкалон театры режиссер, паддзахадон университеты актерон факультеты ахуыргæнæг, Дыгурон театры раздæры аивадон разамонæг Цæлыккаты Земфирæ. Уый тыххæй чысыл раздæр йæ социалон хызæджы сыфыл фехъусын кодта нæ республикæйы адæмон артист Даураты Эдуард. Цæлыккаты Земфирæ уыдис зындгонд режиссер, Ирон академион театры артист Цæлыккаты Мæирбеджы чызг. Сфæлдыстад йæ удæй фылдæр уарзта. Йæ зонындзинæдтæ æнæвгъауæй лæвæрдта артистты ног фæлтæртæн. Куыста нæ бæстæйы æндæр регионты дæр, фæлæ йæ фыдыбæстæмæ уарзондзинад фæстæмæ æрыздæхта Ирыстонмæ. Абон йæ амæлæтыл хъыг кæнынц, хорз æй чи зыдта æмæ аивадыл æнувыд чи уыд, уыдон иууылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv