Дзæуджыхъæуы 18-æм микрорайоны аразынц ног скъола

Ног ахуыры бынæттæ - ног гæнæнтæ. Дзæуджыхъæуы 18-æм микрорайоны аразынц ног скъола. Бынат дзы уыдзæн 500 скъоладзауæн. Ахуыргæнæндоны арæзтад къухы бафтыд «Жильё и городская среда», зæгъгæ, федералон программæйы руаджы. Тагъд рæстæг ацы кабинетты уроччытæ сæ тæмæны бацæудзысты, скъоладзаутæн амондзысты ног зонындзинæдтæ. 18-æм микрорайоны цы ахуыргæнæндон аразынц, уым уыдзæн 500 бынаты. Бæстыхай хуымæтæг нæу, тымбыл амад у. Ахæм хуызы арæзтад, подрядон организаци фыццаг хатт нæ кæны. Ахæм скъола ма мæй размæ байгом кодтой Дзæуджыхъæуы. Ныр иннæ дæр фæцæттæ кæны. Ныртæккæ дзы аразынц 3-аг уæладзыг. Фыццаг æмæ дыккаг та ифтонг кæнынц электрон системæйæ. Уыцы иу рæстæг скъолайы кæрты аразынц футболæй æмæ баскетболæй хъазынæн фæз. Куыстытæ бирæ. Хъуамæ сæ фæуой афæдзы кæронмæ. Уæлдай æргом здахынц æдасдзинады æмæ зынгсирвæзтыты ныхмæ домæнтæ куыд æмбæлы, афтæ сæххæст кæнынмæ. Скъолайы фæзуат егъау у. Банывыл кæнынмæ йыл архайынц дизайнертæ. Ахуыргæнæндон арæзт цæуы «Жильё и городская среда», зæгъгæ, федералон проекты руаджы. Ацы объект нæ республикæйы иунæг нæу. Объекты и хай хъуамæ сцæттæ уа афæдзы кæронмæ, иннæ хай та - фидæны азы. Фæлæ сæйрагдæр у, специалистты ныхæстæм гæсгæ, алцыдæр æмбæлгæ æмвæзадыл саразын. Гогаты Марат _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv