Национ мотивтæ - нырыккон ирон аивады

Национ мотивтæ нырыккон ирон аивады куыд сфидар сты, уый тыххæй дзырдтой сæрмагонд семинары. Мадзал арæзт æрцыд Дзæуджыхъæуы дыууæ хайæ. Республикæйы аивæдты лицейы ахуыргæнинæгтæ бацæттæ кодтой равдыст уазджытæн. Ирон композиторты уацмыстæ ацагътой нырыккон хуызы. Семинары архайджытæ ма æрныхас кодтой, национ нывæвтыдтæ уæлæдарæсы модæмæ куыд бахæссæн ис, ууыл. Сфæлдыстадон æрмадз «Аивад»-ы нывгæнджытæ æмæ дизайнертæ равдыстой ирон къабатæ нырыккон хуызы. Национ къабатæ хуыйæг Дауыраты Залинæ радзырдта йæ дæсныдзинады тыххæй. Равдыста, æрмæст национ дарæс нæ, фæлæ ма хызынтæ æмæ сылгоймаджы æндæр аивгæнæн дзаумæттæ куыд цæттæ кæны, уый. Семинар саразджыты ныхæстæм гæсгæ, мадзалы сæйраг хæс уыд адæмон сфæлдыстады сусæгдзинæдтæ æмæ æгъдæуттæ парахат кæнын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv