Владимир Путин бабар кодта æппæт регионты дæр бирæсывæллонджын бинонты иумæйаг статус снысан кæнын. Ныртæккæ бæстæйы регионты бинонты бирæсывæллонджыныл банымайынц алыхуызон фæткмæ гæсгæ. Президент зæрдыл æрлæууын кодта, хицауадæн раздæр дæр кæй бахæс кодта бирæсывæллонджын бинонты статус федералон æмвæзадыл ныффидар кæнын. Уыимæ ма бинонтæ бирæсывæллонджын кæй сты, уый тыххæй ма æвдисæндар  гæххæттын хуызæй уæлдай  хъуамæ уа электронон дæр. Уый бинонтæн фадат ратдзæн бæстæйы алы регионты нысангонд лæггæдтæй пайда кæнын.