Цæгат Ирыстоны 2019-æм азы дыккæг кварталы электрон тыхæн фидын райдыдтой 4,2% фылдæр

Цæгат Ирыстоны 2019-æм азы дыккæг кварталы электрон тыхæн фидын райдыдтой 4,2% фылдæр. Афæдзы фыццаг кварталы уыцы бæрæггæнæн уыд 82,2%. Дыккæг кварталы та - 86,4%. Уый тыххæй хъусын кæнынц нæ республикæйы цæрæнуæтты-коммуналон хæдзарад, артаг æмæ энергетикæйы министрады. Афтæмæй пъланмæ гæсгæ та республикæйы электрон тыхæн хъуамæ бафыстаиккой 89%. Ома, 2,6% пълан æххæстгонд не рцыд. Республикæйы цы æрдзон газ схардз кодтой, уымæн та, бафыстой 78%. Цæгат Ирыстоны æрдзон газæй спайда кодтой 3 миллиарды 592 милуан сомы аргъ. Уыдонæй бафыстой 2 миллиарды 804 милуан сомы. Куыстуат «Газпром межрегионгаз Владикавказ»-ы размæ 1-æм июлы уавæрмæ гæсгæ хæс у 3 миллиарды 827 милуан сомы. Министрады бæрæггæнæнтæм гæсгæ, фыццаг афæдзы æрдæгмæ хæс сырæзт 353 милуан сомы. Электрон тыхæй та 2019 азы фыццаг 6 мæймæ схардз кодтой 284 милуан сомы фылдæр 2018 азы фыццаг æрдæгимæ абаргæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv