Цæгат Ирыстоны бакусдзысты коммуналон объекттæ сног кæныныл

Уæрæсейы сног кæндзысты коммуналон инфраструктурæйы объекттæн сæ 60%-æй фылдæр кæмæн базæронд, уыдон. Нæ бæстæйы арæзтады министрад кусы сæрмагонд программæйы проектыл. Уæлдай цæстæнгас программæйы здахдзысты техникон уынаффæтæм. Нæ бæстæйы арæзтад æмæ цæрæнуæтты -коммуналон хæдзарады министр Владимир Якушевы ныхæстæм гæсгæ, Уæрæсейы кæцыдæр субъектты хъæуы хъармгæнæн æмæ дондзæуæн системæтæ снывыл кæнын. Ныртæккæ министрады æнхъæлмæ кæсынц, цæмæй субъекттæ уыцы информаци æрбарвитой, æмæ куыстыты пълан уымæ гæсгæ срæвдз кæной. Нæ республикæйы цæрæнуæтты-коммуналон хæдзарад, артаг æмæ энергетикæйы министрад арвыста Уæрæсейы арæзтады министрадмæ республикæйы коммуналон объектты уавæры тыххæй информаци. Гæххæты фыст ис дондзæуæн системæ районты 5 азмæ, ома,  2020-æй 2024-æм азмæ,  куыд сног кæнын хъæуы, уый. Нæ республикæйы  цæрæнуæтты-коммуналон хæдзарад, артаг æмæ энергетикæйы министр Тамайты Майран куыд фæбæрæг кодта, афтæмæй уыцы куыстыты иумæйаг аргъ у 10 миллиард сомæй фылдæр. Республикæйы магистралон æмæ уынгты дондзæуæн хæтæлты дæргъ у 3649 километрæй фылдæр. Уыдонæй ивинаг сты 2100 километры. Æрмæст Дзæуджыхъæуы 705 километры дондзæуæн хызтæй базæронд 553 километры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv