Цæгат Ирыстоны паддзахадон университеты уыд «Перспектив развития медиации в СКФО» конференци

Æнæ тæрхондонмæ бахатгæйæ дзырддаг кæнæ хъаугъайаг фарста аиуварс кæныныл ныхас кодтой абон Дзæуджыхъæуы. Медиатор кæй хонынц, уыцы дæсныйад Цæгат Кавказы федералон зылды куыд рæзы, уыцы фарста равзæрстой Цæгат Ирыстоны паддзахадон университеты. Ацы куыст нæ бæстæйы у ног. Быцæуты рæстæг фæрссаг адæймаджы фæхонынц, цæмæй сын сæ хылы бындур равзара. Университет у Цæгат Кавказы медиацийы сæйраг бынат. Сæ вазыгджындæр хæсыл нымайынц ацы гæнæнимæ регионы цæрджыты базонгæ кæнын. Куыд дзы пайда кæнын хъæуы, исты æххуыс фæвæййы, æви нæ, ууыл бæстонæй æрдзырдтой паддзахадон органты минæвæрттæ, амалхъом адæм æмæ медиатортæ сæхæдæг.