Ахсджиаг фембæлд

Цæгат Ирыстоны паддзахадон универститеты ма ЮНЕСКО-йы залы уыд фембæлд. Сарæзтой йæ рухстауæн проект  «Лекториум»-ы фæлгæты. Ацы хатт студенттæн йæ фæлтæрддзинад æмæ дæсныйады сусæгдзинæдтæ раргом кодта нæ республикæйы культурæйы сгуыхт кусæг, номдзыд фыссæг, Хетæгкаты Къостайы номыл премийы лауреат Цомартаты Изæтбег. Филологи æмæ педагогон факультетты студенттимæ æргомæй аныхас кодта алыхуызон фарстатыл. Разæнгард сæ кодта ирон æвзаг бахъахъхъæнынмæ уæлдай æргом аздахын. Уыимæ ма, нæ мадæлон æвзаг хъæздыгдæр кæныныл бацархайын. Куыд бафиппайдта, афтæмæй æрыгон фысжытæ нæ республикæйы, хъыгагæн, бирæ не сты. Æмбырды кæронбæттæны студенттæ бакастысты сæхи фыст æмдзæвгæтæ, азарыдысты рæсугъд зарджытæ. Уæ зæрдыл уын æрлæууын кæндзыстæм, проект «Лекториум»-ы фæлгæты Цæгат Ирыстоны паддзахадон университет аразы студенттæн фембæлдтытæ нæ бæстæйы культурæ æмæ наукæйы номдзыд кусджытимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv