Цæгат Ирыстоны пъæлицæйæгтæ Краснодары крайы æрцахстой закъонхалджыты

Цæгат Ирыстоны пъæлицæйæгтæ Краснодары крайы æрцахстой закъонхалджыты, дистанцион хуызы Дзæуджыхъæуы цæрæджы ныхмæ фæлитой митæ чи арæзта, уыдоны. Æрыгон лæппутæ интернеты уæй кодтой техникæ, æхца-иу сæм æлхæнджытæ куы рарвыстой, уæд та-иу семæ бастдзинад фесæфтой. Иу ахæм хъуыддаджы хъыгдæрд баййæфта Дзæуджыхъæуы 30-аздзыд сылгоймаг. Йæ куысты фæдыл сфæнд кодта балхæнын принтер. Æхцайы фæрæзтæ куы арвыста банчы картæмæ, уæд закъонхалæг йæ чырæ телефоны номыр нал скусын кодта. Цæгатирыстойнаг пъæлицæйæгтæ афойнадыл бакуыстой цæстфæлдахджыты ныхмæ. Оперативон-агурæн куыстыты фæлгæты рабæрæг, æрыгон лæппутæ сæ митæ Краснодары крайы кæй аразынц, уый. Дыууæйæ дæр разындзысты 2001 азы гуырд цæрджытæ. Сæ рæдыдыл басастысты. Ныр, гæнæн ис, æмæ ахæстоны фæбадой 5 азы онг. Цæгат Ирыстоны мидхъуыддæгты министрады кусджытæ сидынц цæрджытæм, цæмæй уой къæрцхъусдæр æмæ æнæзонгæ адæмы банчы картæтæм æхцайы фæрæзтæ ма ’рвитой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv